09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ադրբեջանը հայտնել է հայկական կողմին փոխանցված գերիների և աճյունների թիվը
Քաղաքականություն
30.08.2022 | 13:15
Բաքուն հայտարարել է 44-օրյա պատերազմից հետո հայկական կողմին փոխանցված գերիների և զոհվածների աճյունների թիվը։ Ադրբեջանական լրատվամիջոցները, հղում անելով այդ երկրի ռազմագերիների, պատանդների և անհետ կորած քաղաքացիների պետական հանձնաժողովին, գրում են, որ Բաքուն 44-օրյա պատերազմից հետո Հայաստան է փոխանցել 1713 հայ զինվորների մարմիններ։
Նաև հայտարարվում է, որ «Ադրբեջանը գերությունից ազատել է 159 հայի (118 զինվորական, 41 խաղաղ բնակիչ, այդ թվում՝ 5 կին): Նրանցից վեցը (4 զինվորական, 2 քաղաքացիական անձ) կալանավորվել է մինչև 2020 թվականի սեպտեմբերի 27-ը»։
Եռակողմ հայտարարության ստորագրումից հետո, ինչպես նշում է Ադրբեջանը, Հայաստանը «Ադրբեջան է տեղափոխել 25 քաղաքացու (19 զինվորական, 6 քաղաքացիական անձ): Նրանցից հինգը (1 զինվորական, չորս քաղաքացիական անձ) կալանավորվել են մինչև 2020 թվականի սեպտեմբերի 27-ը»։
Հիշեցնենք, որ այսուհանդերձ, Բաքուն լիովին չի կատարել նոյեմբերի 9-ի հայտարարությամբ գերիների վերադարձի մասով ստանձնած պարտավորությունները։ Ըստ պաշտոնական տվյալների՝ Ադրբեջանում շարունակում են պահվել առնվազն 38 հայեր, իսկ ըստ ոչ պաշտոնական տեղեկությունների՝ հայ գերիների և պահվող անձանց թիվն իրականում գերազանցում է 100-ը։
Տաթև Ֆռանգյան
