09.10.2026 | 17:08
Պուտինը, Ալիևն ու Փեզեշքիանը Թուրքմենստանում եռակողմ հանդիպում են անցկացրել
Թրամփը կոչ է արել շտապ նոր նախագահական ընտրություններ անցկացնել
Քաղաքականություն
30.08.2022 | 17:16
ԱՄՆ նախկին նախագահ Դոնալդ Թրամփը հայտարարել է, որ անհրաժեշտ է անվավեր ճանաչել 2020 թվականին անցկացված նախագահական ընտրությունները և նշանակել նոր քվեարկություն, գրում է KP-ն։
Ըստ Թրամփի՝ նախագահական ընտրություններից առաջ Հետաքննությունների դաշնային բյուրոն (ՀԴԲ) «թաղել» է պատմությունը Հանթեր Բայդենի նոութբուքի հետ միասին, քանի որ «գիտեր, որ հակառակ դեպքում Թրամփը կհաղթեր»։ Նախկին նախագահը հայտարարել է, որ սա ամենաբարձր մակարդակով միջամտություն է ընտրություններին։
«Լուծումն իրական հաղթողին հայտարարելն է կամ գոնե 2020 թվականի ընտրություններն անդառնալիորեն կեղծված հայտարարելն ու նոր ընտրություններ անցկացնելը»,- նշել է պետության նախկին ղեկավարը։
Հիշեցնենք, որ ավելի վաղ Բայդեն կրտսերի դյուրակիր համակարգչում նամակագրություն էին գտել, որը նա ունեցել է ուկրաինական նավթագազային Burisma ընկերության ներկայացուցիչների հետ, որտեղ նա տնօրենների խորհրդի անդամ էր։ Թրամփի կողմնակիցները նշում են, որ թույլ է տալիս ենթադրել, որ ԱՄՆ գործող նախագահի որդին իր քաղաքական ազդեցությունն օգտագործել է արտերկրում գործարար հարաբերություններում։
Տաթև Ֆռանգյան
