Այսօր Factor.am-ը տեղեկացրել էր, որ Գյումրիում միջադեպ էր տեղի ունեցել պարեկների մասնակցությամբ։
Այս միջադեպի առնչությամբ ՀՀ ոստիկանությունը հանդես է եկել հայտարարությամբ, որում մասնավորապես ասվում է․
«Գյումրիում պարեկները ճանապարհային երթևեկության կանոնների խախտում կատարելու համար կանգնեցրել են «ԲՄՎ» մակնիշի մեքենա:
Վարորդն իր մոտ չի ունեցել վարորդական իրավունքի վկայական և տրանսպորտային միջոցի տեխանձնագիր:
Նա չի ենթարկվել ոստիկանների օրինական պահանջին և դիմադրություն է ցույց տվել:
Պարեկները օգտագործելով հատուկ միջոց՝ իրականացրել են վարչական ձերբակալում:
Ծեծի ենթարկելու և «դեղ» օգտագործելու վերաբերյալ լուրերը չեն համապատասխանում իրականությանը»:
