16.09.2026 | 11:42
«Ուժեղ Հայաստանը» Տիգրանաշենում զբոսաշրջային կենտրոն կստեղծի․ Անուշ Միրզոյան․ ՏԵՍԱՆՅՈՒԹ
Թուրքիայի պաշտպանության նախարարը Հունաստանը կոչել է «վատ հարևան»
Քաղաքականություն
29.08.2022 | 22:17
Թուրքիայի ազգային պաշտպանության նախարար Հուլուսի Աքարը սուր քննադատության է ենթարկել Էգեյան ծովում С-300 համակարգերի կիրառմամբ հունական բանակի գործողությունները, գրում է Անադոլու գործակալությունը։
«Մեր «վատ հարեւանի» գործողությունները բացատրության չեն ենթարկվում։ Դրանք չպետք է անտեսվեն: Պետք է գնահատական տրվի։ Նման երեսառածությունն ու անխոհեմությունն անընդունելի են»,- ասել է Աքարը՝ մեկնաբանելով Թուրքիայի ռազմաօդային ուժերի ինքնաթիռների դեմ հունական կործանիչների գործողությունները։
Նախարարը հայտարարել է, թե Թուրքիան անպատասխան չի թողնի «հունական կողմի ոչ մի սադրիչ քայլ»։
Հիշեցնենք, որ Թուրքիան ավելի վաղ հայտարարել էր, որ հունական F-16 կործանիչներն Էգեյան ծովում ՆԱՏՕ-ի NEXUS ACE ուսումնական առաքելության ժամանակ հետապնդել են երկու թուրքական F-16 կործանիչների: Իր հերթին Հունաստանի ազգային պաշտպանության նախարարությունը հայտնել է, որ օգոստոսի 23-ին թուրքական կործանիչները Հունաստանի օդային տարածքի 78 խախտում են կատարել, ամեն անգամ նրանց որսալու համար հունական ռազմական ինքնաթիռներ են բարձրացվել։
Տաթև Ֆռանգյան
