06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Արցախի ԱԽ որոշումը՝ նոր ճանապարհի մասին․ Փաշինյան-Պուտին զրույց՝ ՀՀ-ՌԴ գործակցության մասին․ Լուրեր
Քաղաքականություն
29.08.2022 | 18:16
- Արցախի նախագահ Արայիկ Հարությունյանի գլխավորությամբ այսօր՝ օգոստոսի 29-ին, կայացել է Անվտանգության խորհրդի հերթական նիստը: Անվտանգության խորհուրդը որոշում է կայացրել վաղը՝ օգոստոսի 30-ի ժամը 20:00-ից Հայաստանի հետ հաղորդակցությունն իրականացնել նոր երթուղով՝ Շուշիի շրջանի Բերդաձորի ենթաշրջանի տարածքով:
- Վարչապետ Նիկոլ Փաշինյանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ՝ Հայաստանի և Ռուսաստանի միջև Բարեկամության, համագործակցության և փոխադարձ օգնության պայմանագրի 25-ամյա հոբելյանի առիթով։ Փաշինյանը և Պուտինը մտքեր են փոխանակել հայ-ռուսական օրակարգային մի շարք հարցերի շուրջ: Անդրադարձ է կատարվել նաև Լեռնային Ղարաբաղի շուրջ իրավիճակին:
- «Հայկական ատոմային էլեկտրակայանը» և Ռուսական «Ռոսատոմի» մեջ մտնող «ՏՎԷԼ» ընկերությունը ստորագրել են ռուսաստանյան միջուկային վառելիքի մատակարարման պայմանագիր։ Մատակարարումը կիրականացվի 2022 թվականի 4-րդ եռամսյակում, ինչը թույլ կտա ամբողջովին բավարարել թարմ միջուկային վառելիքով ապահովելու՝ Հայկական ԱԷԿ-ի ընթացիկ պահանջները։
Այս ժամի լուրերը՝ տեսանյութում։
