06.11.2026 | 22:53
ԵՄ-ն է TikTok-ին մեղադրել է օրենքի խախտման մեջ ու պահանջել փոխել վնասակար ալգորիթմը
Ռուսաստանը մտադիր չէ ապառազմականացված գոտի ստեղծել Զապորոժիեի ատոմակայանի շուրջ
Քաղաքականություն
29.08.2022 | 18:22
Ռուսաստանը մտադիր չէ Զապորոժիեի ատոմակայանի շուրջ ապառազմականացված գոտի ստեղծել։ Այս մասին օգոստոսի 29-ին կայացած ճեպազրույցում հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը։
Նա նշել է, որ Ատոմային էներգիայի միջազգային գործակալության առաքելությունն անհրաժեշտ է և «դրա հնարավոր տեղաշարժերը» կքննարկվեն տեղում։
Ըստ Պեսկովի՝ ՄԱԳԱՏԷ-ի պատվիրակությունը կայան կայցելի Ուկրաինայի կողմից վերահսկվող տարածքից։
«Զապորոժիե ԱԷԿ-ի շուրջ ապառազմականացված գոտի ստեղծելու մասին խոսք չկա»,- ընդգծել է Պեսկովը։
Ավելի վաղ ՄԱԿ-ի գլխավոր քարտուղար Անտոնիո Գուտերեշը և ՆԱՏՕ-ի ղեկավար Յենս Ստոլտենբերգը կոչ էին արել Ռուսաստանին հնարավորինս շուտ ապառազմականացնել Զապորոժիեի գրավված ատոմակայանի տարածքը։
Տաթև Ֆռանգյան
