16.09.2026 | 14:06
Տերը, ձեր պատկերացմամբ, Ռուսաստանն է, դրա համար եք ասում՝ անտեր կմնանք․ Մինասյանը՝ Ֆարմանյանին․ ՏԵՍԱՆՅՈՒԹ
Պակիստանում ջրհեղեղները ավելի քան 1000 մարդու կյանք են խլել
Քաղաքականություն
29.08.2022 | 14:14
Պակիստանում վերջին ավերիչ ջրհեղեղների հետևանքով վերջին օրվա ընթացքում 119 մարդ է զոհվել, հայտնում է BBC-ն։ Մուսոնների սեզոնի սկզբից ի վեր՝հունիսից ջրհեղեղներն արդեն 1033 մարդու կյանք են խլել։ Ըստ Պակիստանի աղետների կառավարման ազգային վարչության տվյալների զոհերի թիվն իրականում կարող է զգալիորեն ավելի մեծ լինել՝ հաշվի առնելով, որ շատերը համարվում են անհետ կորած։
Պակիստանի վարչապետ Շահբազ Շարիֆի խոսքով՝ տարերային աղետից տուժել է ամբողջ երկրի բնակչության մոտ 15%-ը՝ 33 մլն մարդ։
Ըստ նրա՝ հեղեղից տուժած յուրաքանչյուր ընտանիք պետությունից կստանա 25000 ռուփի (112 դոլար) օգնություն:
Վերջին տվյալներով երկրում շուրջ 50 հազար մարդ մնացել է անօթևան։
Տաթև Ֆռանգյան
