19.12.2025 | 18:58
Ադրբեջանի խորհրդարանը հաստատել է երկրի պատմության մեջ ամենամեծ համաներումը
Ադրբեջանում Ֆրանսիայի և ԱՄՆ դեսպանները հրաժարվել են այցելել Շուշի․ Բաքուն արձագանքել է դժգոհությամբ
Քաղաքականություն
27.08.2022 | 15:55
«Այսօր Շուշիում չեն Ադրբեջանում Ֆրանսիայի և ԱՄՆ-ի դեսպանները։ Նրանք բացահայտ արհամարհեցին ադրբեջանական կառավարության հրավերը»,- ադրբեջանական APA գործակալության փոխանցմամբ՝ հայտարարել է Ադրբեջանի նախագահի օգնական Հիքմեթ Հաջիևը:
Նա նշել է, որ դա գնահատվում է որպես «անհարգալից վերաբերմունք Ադրբեջանի տարածքային ամբողջականության նկատմամբ, քանի որ, ըստ այդ երկրների, հակամարտությունը դեռ ավարտված չէ»,- ասել է նա։
Հաջիևը դարձյալ դժգոհել է, թե Ֆրանսիան և Միացյալ Նահանգները, որպես ԵԱՀԿ Մինսկի խմբի համանախագահներ, «չեն նպաստել հակամարտության կարգավորմանը»։
«Նրանք վատնել են մեր ժամանակի 30 տարին։ Չմասնակցելով այս ուղևորությանը՝ նրանք հերթական անգամ արհամարհանք են դրսևորել»,- ասել է Հաջիևը։
Հիշեցնենք՝ Շուշիում անցկացվում է միջազգային համաժողով Ադրբեջանում հավատարմագրված դիվանագետների և ռազմական ներկայացուցիչների մասնակցությամբ։
