23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ԱՄՆ պետդեպարտամենտից արձագանքել են ԵԱՀԿ Մինսկի խմբի նոր համանախագահ նշանակելու վերաբերյալ Ադրբեջանի հայտարարությանը
Քաղաքականություն
26.08.2022 | 11:14
ԱՄՆ պետդեպարտամենտից պատասխանել են ԵԱՀԿ Մինսկի խմբի նոր համանախագահ նշանակելու վերաբերյալ ադրբեջանական կողմից հնչեցված հայտարարությանն այն մասին, թե նման քայլերը «չեն կարող նպաստել հայ-ադրբեջանական հարաբերությունների կարգավորմանը»։ Մասնավորապես Պետդեպարտամենտի հանրային կապերի գրասենյակի փոխխոսնակ Վեդանթ Պանտելն, ի պատասխան լրագրողի հարցի նշել է, որ ԱՄՆ-ը հանձնառու է դյուրացնել Ադրբեջանի և Հայաստանի միջև ուղիղ երկխոսությունը երկկողմ, բազմակողմ և համախոհ գործընկերների հետ համագործակցությամբ։
«Պետքարտուղարը նրան (Ֆիլիպ Ռիքերին) նշանակել է Կովկասի բանակցությունների ավագ խորհրդական՝ ընդգծելու Հարավային Կովկասում խաղաղությանը նպաստելու մեր հանձնառությունը: Որպես երկիր՝ մենք հանձնառու ենք դյուրացնել Ադրբեջանի և Հայաստանի միջև ուղիղ երկխոսությունը երկկողմ, բազմակողմ և համախոհ գործընկերների հետ համագործակցությամբ՝ երկու երկրների միջև համապարփակ խաղաղ կարգավորման հասնելու համար: Նրա ընտրությունը ընդգծում է մեր հավատարմությունը Ժնևի միջազգային քննարկումներին, որտեղ մենք պատրաստվում ենք շարունակել պատասխանատվության ենթարկել Ռուսաստանին 2008 թվականի հրադադարի համաձայն ստանձնած պարտավորությունների համար: Իսկ որպես դիվանագիտական խորհրդատու՝, դեսպան Ռիքերը կներկայացնի նաև ԱՄՆ-ը ինչպես ԵԱՀԿ Մինսկի խմբում, այնպես էլ Ժնևի միջազգային քննարկումներում, ինչպես արդեն նշեցի»,- ասել է գրասենյակի փոխխոսնակը:
Հիշեցնենք՝ երեկ հայտնի դարձավ, որ ԱՄՆ պետքարտուղար Էնթոնի Բլինքենը դեսպան Ֆիլիպ Ռիքերին նշանակել է Կովկասի հարցերով բանակցություններում գլխավոր խորհրդական և ԵԱՀԿ Մինսկի խմբի համանախագահ, ինչին ի պատասխան Ադրբեջանի ԱԳՆ-ն հայտարարել էր, թե «գրեթե չգործող ԵԱՀԿ մինսկի խումբը վերակենդանացնելու փորձերը կարող են Վաշինգտոնին հեռացնել ադրբեջանա-հայկական հարաբերությունների կարգավորման գործընթացից»։
Տաթև Ֆռանգյան
