09.10.2026 | 14:33
Վաղվանից ուժի մեջ կմտնեն Հայաստանի համար ԵՄ առևտրային արտոնությունները
Ուկրաինական «Էներգոատոմը» հայտնել է, որ Զապորոժիեի ԱԷԿ-ը պատմության մեջ առաջին անգամ անջատվել է էլեկտրացանցից
Քաղաքականություն
25.08.2022 | 19:43
Ուկրաինական «Էներգոատոմը» հայտնել է, որ հինգշաբթի՝ օրվա ընթացքում երկու անգամ Ռուսաստանի կողմից գրավված Զապորոժիեի ԱԷԿ-ն անջատվել է Ուկրաինայի էներգոհամակարգին միացնող վերջին գիծը։ Պետական ընկերության հայտարարությամբ՝ երեք գծերն անջատվել էին ՌԴ զինված ուժերի գործողությունների հետևանքով։ Այս մասին գրում է BBC-ի ռուսական ծառայությունը։
«Դրա հետևանքով կայանի երկու գործող էներգաբլոկներն անջատվել են ցանցից։ Այդպիսով, զավթիչների գործողությունների արդյունքում կայանի պատմության մեջ առաջին անգամ իրականացվել է Զապորոժիեի ԱԷԿ-ի լիակատար անջատումը էներգոցանցից»,- պնդում է «Էներգոատոմը»։
Ռուսական կողմի պնդմամբ էլ՝ ուկրաինական զորքերի հարվածից հետո բռնկված հրդեհի պատճառով են ցանցից անջատվել Զապորոժիեի ԱԷԿ-ի երկու էներգաբլոկները։
Հինգշաբթի հայտնի է դարձել, որ ռուսական բանակի վերահսկողության տակ գտնվող Խերսոնի մարզում և Զապորոժիեի օկուպացված հատվածներում ամբողջությամբ անջատվել է էլեկտրաէներգիան ու ջուրը։ Ըստ ՌԴ իշխանությունների՝ մի քանի ժամ անց այն հիմնականում վերականգնվել է։
Զապորոժիեի շրջանի ուկրաինական իշխանություններն ԱԷԿ-ում ստեղծված իրավիճակը կապում են նրա մոտ շարունակվող ռազմական գործողությունների հետ։
ՄԱԿ-ը և ՄԱԳԱՏԷ-ն վաղուց են զգուշացնում աղետի սպառնալիքի մասին և կոչ են անում Ռուսաստանին՝ դուրս բերել զորքերը տարածաշրջանից։
Տաթև Ֆռանգյան
