28.06.2026 | 13:22
Օդի ջերմաստիճանն աստիճանաբար կբարձրանա 5-7 աստիճանով
Մեծ Բրիտանիան ամբողջովին դադարեցրել է վառելիքի ներկրումը Ռուսաստանից. Bloomberg
Քաղաքականություն
25.08.2022 | 11:30
Հունիսին Մեծ Բրիտանիան առաջին անգամ նավթ չի ներմուծել Ռուսաստանի Դաշնությունից, քանի որ հասել է այս երկրից վառելիքի գնումը աստիճանաբար դադարեցնելու իր նպատակին։ Այս մասին հայտնում է Bloomberg-ը։
Բրիտանական կառավարությունն իր առջև նման նպատակ էր դրել Ռուսաստանի կողմից Ուկրաինա լայնամասշտաբ ներխուժումից հետո։
Նախկինում Մեծ Բրիտանիայի նավթի ներմուծումը կազմում էր ամսական 499 միլիոն ֆունտ ստեռլինգ։ Այս ցուցանիշն արձանագրվում էր մինչև 2022 թվականի փետրվարը։ Այժմ ներմուծման ծավալը հասել է գրեթե զրոյի։ Ըստ Ազգային վիճակագրության գրասենյակի՝ 1997 թվականից ի վեր սա առաջին անգամն է տեղի ունեցել։
Ներխուժումից հետո Մեծ Բրիտանիան որոշել է աստիճանաբար դադարեցնել Ռուսաստանից նավթի և գազի ներմուծումը և որպես այլընտրանք սկսել է գազ ներկրել Սաուդյան Արաբիայից, Նիդեռլանդներից, Բելգիայից և Քուվեյթից։
Տաթև Ֆռանգյան
