13.01.2025 | 12:40
ՌԴ-ում Իրանի դեսպանը բացահայտել է Մոսկվա-Թեհրան ռազմավարական համագործակցության համաձայնագրի մանրամասները
Ջո Բայդենը հայտարարել է Ուկրաինային օգնության ամենամեծ տրանշի մասին
Քաղաքականություն
24.08.2022 | 18:14
ԱՄՆ նախագահ Ջո Բայդենը բոլոր ամերիկացիների անունից շնորհավորել է Ուկրաինայի ժողովրդին Անկախության օրվա առթիվ և հայտարարել Կիևին 2,98 միլիարդ դոլարի ռազմական օգնության նոր փաթեթի մասին։ Այս մասին օգոստոսի 24-ին հայտնել է Սպիտակ տան մամուլի ծառայությունը։
«Վերջին վեց ամսվա ընթացքում ուկրաինացիները ոգեշնչել են աշխարհին իրենց արտասովոր քաջությամբ և ազատությանը նվիրվածությամբ: Նրանք վճռական էին և ուժեղ ռուսական լայնամասշտաբ ներխուժման դեմ»,- ասել է ամերիկացի առաջնորդը:
Նա վստահեցրել է, որ Վաշինգտոնը հանձնառու է աջակցել Ուկրաինայի ժողովրդին, որը շարունակում է պայքարել իր ինքնիշխանությունը պաշտպանելու համար։
«Ես հպարտ եմ հայտարարելու մինչ օրս անվտանգության աջակցության մեր ամենամեծ տրանշի մասին՝ մոտավորապես 2,98 միլիարդ դոլարի սպառազինություն և տեխնիկա, որը կտրամադրվի Ուկրաինայի անվտանգության աջակցության նախաձեռնության միջոցով»,- ընդգծել է Բայդենը:
Նրա խոսքով՝ ֆինանսավորումը թույլ կտա Ուկրաինային ձեռք բերել հակաօդային պաշտպանության համակարգեր, հրետանային համակարգեր և զինամթերք, հակահրթիռային անօդաչու թռչող սարքեր և ռադարներ՝ «երկարաժամկետ պաշտպանության համար»։
«Վեց ամսվա անխնա հարձակումները միայն ամրապնդել են ուկրաինացիների հպարտությունը իրենց, իրենց երկրի և իրենց անկախության 31 տարվա համար: Այսօր և ամեն օր մենք կանգնած ենք ուկրաինացի ժողովրդի հետ միասին, որպեսզի հայտարարենք՝ խավարը, որը մղում է ավտոկրատիան, չի կարող համեմատվել ազատության բոցի հետ, որն ամենուր լուսավորում է ազատ մարդկանց հոգիները»,- ամփոփել է ԱՄՆ նախագահը։
Ավելի վաղ հաղորդվել էր, որ ԱՄՆ ռազմական օգնության նոր փաթեթը կներառի երեք տեսակի անօդաչու թռչող սարքեր և այլ զինատեսակներ՝ Կիևի միջնաժամկետ և երկարաժամկետ պաշտպանական դիրքերն ապահովելու համար։
Տաթև Ֆռանգյան
