15.12.2024 | 20:28
Վարազդատ Լալայանը՝ ծանրամարտի աշխարհի չեմպիոն. Armsport.am
2017թ. պետական բյուջեի կատարողականի վերաբերյալ հաշվետվությունների քննարկումը հանձնաժողովներում շարունակվում է. Արցախի ԱԺ
21.05.2018 | 15:12
Մայիսի 21-ին տեղի է ունեցել Արցախի Հանրապետության ԱԺ գիտության, կրթության, մշակույթի, երիտասարդության և սպորտի հարցերի ու ֆինանսաբյուջետային և տնտեսական կառավարման հարցերի մշտական հանձնաժողովների համատեղ նիստը, որը վարում էին հանձնաժողովների նախագահներ Արմեն Սարգսյանը և Ռուսլան Իսրայելյանը. տեղեկացնում է Արցախի Հանրապետության ԱԺ լրատվության և հանրության հետ կապերի բաժինը:
Ներկայացնելով կրթության, գիտության և սպորտի բնագավառի 2017թ.-ի տարեկան կատարողականը՝ նախարար Նարինե Աղաբալյանը նշել է, որ հաշվետու տարում ոլորտին հատկացվել է 14մլդ 381,1մլն դրամ, կատարողականը կազմել է 13 մլդ 974,3 մլն դրամ կամ 97%-ը:
Նախարարի խոսքով բյուջեից հատկացված գումարի զգալի մասն ուղղվել է հանրակրթության ոլորտին:
Մշակույթի, երիտասարդության հարցերի նախարարության 2017թ. բյուջեի տարեկան կատարողականի մասին հաշվետվությամբ հանդես է եկել նախարար Սերգեյ Շահվերդյանը: Նախարարի փոխանցմամբ ոլորտին է հատկացվել շուրջ 1մլդ 500 հազ դրամ, կատարողականը՝ 96%:
Պատգամավորները ոլորտի պատասխանատուներին են առաջադրել Հայաստանի և արտասահմանյան երկրների բուհերում սովորող Արցախի ուսանողներին աշխատանքով ապահովելու, կենտրոնացված միասնական քննությունների, Ստեփանակերտի պետական դրամատիկական թատրոնի՝ շրջաններում հյուրախաղերի կազմակերպման, տոնական օրերին մշակույթի ոլորտում արվող ծախսերի և այլ թեմաների վերաբերյալ հարցեր:
