19.08.2026 | 09:54
Ավտոդպրոցում կրթություն ստանալը պարտադիր է լինելու․ ՆԳ նախարար
Ձերբակալվել է Եկատերինբուրգի նախկին քաղաքապետ, ընդդիմադիր գործիչ Եվգենի Ռոյզմանը
Քաղաքականություն
24.08.2022 | 12:10
Եկատերինբուրգում այսօր՝ օգոստոսի 24-ի առավոտյան, բերման է ենթարկվել Ռուսաստանի ամենահայտնի ընդդիմադիր գործիչներից մեկը՝ նախկին քաղաքապետ Եվգենի Ռոյզմանը։ Խուզարկություններ են սկսվել են նրա մասնավոր թանգարանում՝ Նևյանսկի սրբապատկերի տանը, ինչպես նաև նրա հիմնադրամի գրասենյակի տարածքում, փոխանցում է DW-ի ռուսական ծառայությունը: Ռոյզման հիմնադրամը ՏԱՍՍ-ին հաստատել է խուզարկությունների մասին տեղեկությունը և հայտնել, որ համանման գործողություններ են իրականացվում նաև ընդդիմադիր քաղաքական գործչի բնակարանում։
Ռոյզմանը հայտնել է, որ իր դեմ գործ է հարուցվել ՌԴ Քրեական օրենսգրքի 280-րդ հոդվածի 3-րդ մասով՝ ռուսական բանակի մասին «կեղծ տեղեկությունների հրապարակային տարածում»։
Mash տելեգրամյան ալիքի փոխանցմամբ՝ Ռոյզմանին ձերբակալել են ոստիկանության հատուկջոկատայինները։ Հրապարակված տեսանյութերում զինված մոտենում են շենքին, ներկայանում որպես ոստիկան, պահանջում բացել դուռը, Ռոյզմանը հենց ինքն է բացում դուռը և ձերբակալվում։
Եվգենի Ռոյզմանը հայտնի է Ռուսաստանի իշխանությունների գործողությունների, այդ թվում՝ Ուկրաինայի դեմ պատերազմի հետ կապված իր կոշտ քննադատությամբ։ Նա մինչ այս արդեն 3 անգամ վարչական պատասխանատվության է ենթարկվել «ՌԴ Զինված ուժերին վարկաբեկելու» համար։ Այժմ Ռոյզմանին կարող է սպառնալ մինչև հինգ տարվա ազատազրկում։
