27.02.2026 | 21:28
Ամերիաբանկը` միջազգային հեղինակավոր Los Angeles Times թերթում
Facebook-ը 37,5 մլն դոլար կվճարի օգտատերերի տվյալների գաղտնիությունը խախտելու համար
Քաղաքականություն
24.08.2022 | 11:21
Facebook-ի մայր ընկերությունը՝ Meta-ն, պատրաստվում է 37,5 միլիոն դոլար հատկացնել՝ բավարարելու օգտատերերի կոլեկտիվ դատական հայցի պահանջները։ Օգտատերերը Facebook-ին մեղադրում են տվյալների գաղտնիությունը խախտելու մեջ․ ըստ հայցի՝ ընկերությունն առանց համաձայնության սմարթֆոնների միջոցով հետևել է նրանց տեղաշարժին, այն դեպքում, երբ օգտատերերն իրենց սարքերի վրա անջատած են եղել տեղորոշման ծառայությունները, գրում է Reuters-ը:
Կոլեկտիվ հայցի վերաբերյալ նախնական լուծումը ներկայացվել է երկուշաբթի օրը Սան Ֆրանցիսկոյի դաշնային դատարանում և սպասում է դատավորի հաստատմանը:
Հայցում նշվում է, որ օգտատերերը չեն ցանկացել կիսվել իրենց գտնվելու վայրի մասին տվյալներն ընկերության հետ, սակայն Meta-ն այնուամենայնիվ հավաքել է այդ տեղեկատվությունը թիրախային գովազդ ցուցադրելու համար: Փոխհատուցումը վերաբերում է ԱՄՆ այն բնակիչներին, ովքեր օգտվել են Facebook-ից 2015 թվականի հունվարի 30-ից հետո։ Չնայած Meta-ին համաձայնել է փոխհատուցում վճարել, սակայն ընկերությունը չի ընդունում իրավախախտման փաստը: Ընկերության պաշտոնական ներկայացուցիչները դեռ չեն մեկնաբանել այս հարցը։
Տաթև Ֆռանգյան
