16.09.2026 | 13:16
Քաղաքական մազոխիզմով եք զբաղված, հաճույք եք ստանում ՀՀ սուվերեն տարածքները ծվեն-ծվեն անելուց․Դավթյան․ ՏԵՍԱՆՅՈՒԹ
Ֆինլանդիայում ընդդիմությունն առաջարկել է երկրում ՆԱՏՕ-ի բազա ստեղծել
Քաղաքականություն
23.08.2022 | 15:18
Ֆինլանդիայի Կոալիցիոն կուսակցությունը, որը ընդդիմադիր է, կձգտի երկրում Հյուսիսատլանտյան դաշինքի մշտական բազա ստեղծել։ Այս մասին ասել է կուսակցության խորհրդարանական խմբի ղեկավար Կայ Միկանենը, գրում է ՌԻԱ Նովոստին։
Ֆինլանդիայում խորհրդարանական ընտրությունները նախանշված են 2023 թվականի ապրիլի 2-ին։
«Մենք պետք է խստորեն առաջ տանենք այնպիսի լուծման, որտեղ ՆԱՏՕ-ի մշտական բազմազգ գործառույթները, ինչպիսիք են տարածաշրջանային հրամանատարական կենտրոնը կամ Արկտիկայի տարածաշրջանի գերազանցության կենտրոնը, կարող են հյուրընկալվել Ֆինլանդիայում»,- ասել է Միկանենը խորհրդարանական խմբի ամառային հանդիպման ժամանակ, որը հեռարձակել է կուսակցության կայքը։
Նրա խոսքով՝ Ֆինլանդիան պետք է ձգտի դառնալ հուսալի խաղացող Դաշինքում, որի պաշտպանությունը ծանրաբեռնվածություն չէ անդամ մյուս երկրների համար։
Միկանենը կարծում է, որ Ֆինլանդիան ՆԱՏՕ-ի բազա ստանալու իրական հնարավորություն ունի ոչ միայն Դաշինքում Ռուսաստանի հետ ամենաերկար սահմանի, այլ նաև Բալթիկ ծովի և Արկտիկայի տարածաշրջանի պաշտպանության Ֆինլանդիայի փորձի պատճառով:
Տաթև Ֆռանգյան
