12.12.2024 | 20:00
Կոլապս սպասվում է նաև Ալիևի ռեժիմին, ինչպես Ասադի դինաստիան ողրբեգական ավարտ ունեցավ․ Հրաչյա Արզումանյան․ՏԵՍԱՆՅՈՒԹ
Եվրահանձնաժողովի ղեկավարը մեղադրանքներ է հնչեցրել Պուտինի հասցեին
Քաղաքականություն
23.08.2022 | 14:06
Ստալինիզմի և նացիզմի զոհերի հիշատակի եվրոպական օրվա կապակցությամբ, որը նաև հայտնի է որպես Բոլոր տոտալիտար և ավտորիտար ռեժիմների զոհերի հիշատակի համաեվրոպական օր, և որը նշվում է օգոստոսի 23-ին, Եվրահանձնաժողովի նախագահ, գերմանացի քաղաքական գործիչ Ուրսուլա ֆոն դեր Լյայենը սուր քննադատության է ենթարկել Ռուսաստանի ղեկավար Վլադիմիր Պուտինին, գրում է DW-ի ռուսական ծառայությունը։
«Այս տարի Պուտինը պատերազմի սարսափները վերադարձրեց Եվրոպա և մեզ հիշեցրեց, որ խաղաղությունը չի կարելի ընկալել որպես հենց այնպես տրված մի բան։ Ուկրաինայի դեմ Ռուսաստանի պատերազմն անօրինական է և չարդարացված»,- ասել է Եվրահանձնաժողովի ղեկավարը։
Բացի այդ, ռուսական պետության կողմից վերահսկվող քարոզչությունը խեղաթյուրում է պատմությունը և դավադրության տեսություններ է տարածում, իսկ յուրաքանչյուրը, ով դեմ է դրան, պատժվում է: Եվ խաղաղություն չի լինի, քանի դեռ Ուկրաինան չի պաշտպանել իր դիրքորոշումը, համոզված է ֆոն դեր Լյայենը։
«Ուկրաինայի քաղաքացիները տալիս են իրենց կյանքը՝ պաշտպանելու այն արժեքները, որոնց վրա հիմնված է մեր միությունը»,- ընդգծել է Եվրահանձնաժողովի ղեկավարը։
Տաթև Ֆռանգյան
