11.01.2025 | 22:52
Վարչապետը առաջնահերթ է համարում խաղաղության գործընթացը, թվայնացումը և կոռուպցիայի դեմ պայքարը. ՏԵՍԱՆՅՈՒԹ
Ավելի մեծ է հավանականությունը, որ Ռուսաստանը կճնշի ՀՀ-ին՝ զիջումների գնալու, քան հակառակը․ քաղաքագետ. ՏԵՍԱՆՅՈւԹ
Քաղաքականություն
23.08.2022 | 12:10
«Ավելի մեծ է հավանականությունը, որ Ռուսաստանը կճնշի ՀՀ-ին՝ զիջումների գնալու, քան հակառակը»,- այսօր «Հայաստանը երեք ճանապարհ է առաջարկում Ադրբեջանին, ո՞րն է նոր անցակետերի ստեղծման պատճառը» թեմայով քննարկման ժամանակ այս տեսակետը հայտնեց քաղաքագետ Տիգրան Գրիգորյանը՝ հավելելով՝ հնարավոր է, որ այդ ճնշումների արդյունքում չտրամադրենք միջանցք այն տեսքով, որով Ադրբեջանն է պատկերացնում, բայց դիվիդենտների հարցում զիջումների կգնանք:
«Զիջումերին նպաստող առաջին գործոնն այն է, որ ռուս-ուկրաինական պատերազմի մեկնարկից հետո Ադրբեջանի և Թուրքիայի դերը Ռուսաստանի համար մեծացել է: ՌԴ ղեկավարներն ուղիղ տեսքով նշում են, որ Ադրբեջանը և Թուրքիան այս փուլում իրենց համար կարևոր գործընկերներ են: Առնվազն վերջին ամսվա ընթացքում ՌԴ և Ադրբեջանի հարաբերություններում «մեղրամիս» է նկատվում՝ շատ ջերմ են: Իսկ Ադրբեջանը անկախ քաղաքականություն է վարում, և դրա արդյունքում հաջողվում է ՌԴ-ի հետ որոշ հարցերում նույնիսկ շանտաժի լեզվով խոսել, քանի որ ՌԴ-ն այս փուլում բարդ իրավիճակում է:
Երկրորդ գործոնը, որը կարող է նպաստել մեր կողմից զիջումների գնալուն, դա հայ-ռուսական հարաբերություններում առկա որոշակի ճգնաժամն է և ՀՀ իշխանությունների կողմից աշխատանքի բացակայությունը ՌԴ հետ հարաբերություններում՝ բոլոր մակարդակներում և բոլոր ոլորտներում: ՀՀ վարչապետը հակառուսական ակնարկներ է անում: Երբ հակառուսական ակնարկները հիմնավորված չեն լինում, դրա վերջը աղետ է լինում»,- նշեց քաղաքագետը:
Մանրամասները՝ տեսանյութում:
