05.11.2026 | 09:45
Արտարժույթների փոխարժեքները՝ նոյեմբերի 5-ի դրությամբ
Էրդողանը ծրագրում է Պուտինի հետ քննարկել Զապորոժիեի ատոմակայանում ստեղծված իրավիճակը
Քաղաքականություն
22.08.2022 | 13:39
Թուրքիայի նախագահ Թայիփ Էրդողանը ծրագրում է այս շաբաթ հեռախոսազրույցներ ունենալ Ռուսաստանի առաջնորդ Վլադիմիր Պուտինի հետ։ Ակնկալվում է, որ կքննարկվեն Զապորոժիեի ատոմակայանում իրավիճակը և ուկրաինական ճգնաժամը, «ՌԻԱ Նովոստիին» հայտնել է դիվանագիտական աղբյուրը։
Ավելի վաղ Էրդողանը հայտարարել էր, որ մտադիր է Պուտինի հետ քննարկել Ուկրաինայի նախագահ Վլադիմիր Զելենսկու և ՄԱԿ-ի գլխավոր քարտուղար Անտոնիո Գուտերեշի հետ Լվովում կայացած բանակցությունների արդյունքները, ինչպես նաև խնդրել ՌԴ նախագահին՝ կոնկրետ միջոցներ ձեռնարկել Զապորոժիեի ատոմակայանում իրավիճակը կարգավորելու համար։
«Այո՛, նման բանակցություններ են սպասվում այս շաբաթ: Պարոն նախագահը թեմաները նախանշել էր ավելի վաղ․ դա Զապորոժիեի ատոմակայանի իրավիճակն է և, ընդհանրապես, ուկրաինական ճգնաժամի կարգավորումը: Թուրքիան շարունակում է իր անկեղծ միջնորդական դերը կատարել այս հակամարտությունում՝ լինելով միակ երկիրը, որը շահել է երկու կողմերի վստահությունը»,- ասել է գործակալության աղբյուրը։
Տաթև Ֆռանգյան
