14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
«ԲՄՎ»-ն գնելու նպատակով գնացել են Զովունու բնակչի տուն և առևանգել մեքենան
20.08.2022 | 15:29
ՀՀ ոստիկանությունից տեղեկացնում են, որ օգոստոսի 19-ին՝ ժամը 10.30-ին, ոստիկանություն է զանգել Զովունի գյուղի մի բնակիչ և հայտնել, որ փախցրել են իր «ԲՄՎ» մակնիշի մեքենան:
«Մեկնած օպերատիվ խումբը պարզել է, որ ժամը 10.00-ի սահմաններում երկու անհայտ անձինք, մեքենան գնելու նպատակով, եկել են Զովունի գյուղի բնակչի տուն, այնուհետև մեքենայատիրոջ հետ «ԲՄՎ»-ով դուրս են եկել Զովունի-Եղվարդ ճանապարհ, իսկ մեքենան վարել է անհայտ անձանցից մեկը: Այդ ընթացքում մեկ այլ անձ «Մերսեդես» մակնիշի մեքենայով փակել է «ԲՄՎ»-ի ճանապարհը, ինչից հետո մեքենայատիրոջն իջեցրել են մեքենայից, բռունցքով հարվածել դեմքին և վերցնելով նրա բջջային հեռախոսը՝ «ԲՄՎ»-ով հեռացել են:
Ոստիկանության Նաիրիի բաժնի քրեական հետախույզները և Կոտայքի մարզային վարչության ծառայողները համատեղ միջոցառումների արդյունքում պարզել են դեպքի հանգամանքները: Պարզել են նաև փախցրած մեքենայի և բջջային հեռախոսի գտնվելու վայրը: Արարատի մարզի Սուրենավան գյուղի Սպանդարյան փողոցի հասցեներից մեկում մեքենան և հեռախոսը հայտնաբերվել են:
Ոստիկանության Նաիրիի բաժնի քրեական հետախույզների ձեռնարկած միջոցառումների արդյունքում պարզվել է նաև կողոպուտը կատարած անձանց ինքնությունը: 56-ամյա, 45-ամյա և 47-ամյա երեք տղամարդիկ Արարատի մարզի Սուրենավան գյուղում հայտնաբերվել, ձերբակալվել և ներկայացվել են նախաքննական մարմին»,- ասված է ոստիկանության տարածած հաղորդագրության մեջ:
Փաստի առթիվ նախաձեռնվել է քրեական վարույթ:
