02.07.2026 | 12:36
ՌԴ-ն Ուկրաինայի դեմ 74 հրթիռ և շուրջ 500 ԱԹՍ է կիրառել․ Կիևում զոհերի թիվը հասել է 13-ի
Վրաստանի համար հաջորդ տարին վճռորոշ է լինելու մեր եվրոպական ճանապարհին. Զուրաբիշվիլի
Քաղաքականություն
19.08.2022 | 18:28
Վրաստանի նախագահ Սալոմե Զուրաբիշվիլին հանրությանը կոչ է արել՝ միավորվել հանուն Վրաստանի եվրոպական ապագայի:
Aliq media-ն գրում է, որ նախագահը օգոստոսի 18-ին, հրապարակախոս Նիկո Նիկոլաձեի ծննդավայրից՝ Դիդի Ջիխայշից կոչով դիմել է հանրությանը, կառավարությանը, տեղական և կենտրոնական իշխանություններին ու խորհրդարանին:
«Սա հոբելյանական տարի է, և միևնույն ժամանակ, մեզ համար՝ Վրաստանի համար հաջորդ տարին վճռորոշ է լինելու՝ մեր եվրոպական ճանապարհին։ Սա, հավանաբար, պատահականություն չէ», — ասել է նախագահը։
Նշենք, որ հրապարակախոս և քաղաքական գործիչ Նիկո Նիկոլաձեն եղել է Փոթիի քաղաքապետը և կառավարել քաղաքը 1894-1914 թվականներին. հաջորդ տարի լրանում է նրա ծննդյան 180-րդ տարին:
Նախագահ Զուրաբիշվիլին հաճախ է շեշտում, որ ինքը Նիկոլաձեի հետնորդն է՝ «Նիկո Նիկոլաձեն ամենաշատն է արել Վրաստանի եվրոպական ապագայի համար, և, նա է Եվրոպան բերել Վրաստան»։
