Քաղաքականություն
19.08.2022 | 13:36
Կառավարության երեկվա նիստի ընթացքում ընդունված որոշմամբ՝ 757 մլն դրամ կհատկացվի Արագածոտնի, Արարատի, Արմավիրի, Գեղարքունիքի, Լոռու, Շիրակի, Սյունիքի և Տավուշի մարզերում սուբվենցիոն ծրագրերի իրականացման համար: Այս մասին Ֆեյսբուքում գրել է ՀՀ փոխվարչապետ Համբարձում Մաթևոսյանը:
«Գումարը հատկացվում է 15 բնակավայրերի 15 ծրագրերի համաֆինանսավորման համար: Տարեցտարի ավելանում են սուբվենցիոն ծրագրեր իրականացնելու հայտերի քանակը. 2022 թ. հաստատվել է 363 հայտ՝ 74 մլրդ դրամ արժեքով, իսկ 2023 թ. համար արդեն 446 հայտ՝ 111 մլրդ դրամի չափով»,- գրել է Մաթևոսյանը։
