17.01.2026 | 10:30
Մահացել է ՀՀ վաստակավոր ճարտարապետ Մուրադ Հասրաթյանը
Պուտինն ու Սի Ցզինպինը ծրագրում են մասնակցել Ինդոնեզիայում կայանալիք G20-ի գագաթնաժողովին
Քաղաքականություն
19.08.2022 | 13:48
Ինչպես Ռուսաստանի նախագահ Վլադիմիր Պուտինը, այնպես էլ Չինաստանի նախագահ Սի Ցզինպինը, ըստ երևույթին, պատրաստվում են մասնակցել Ինդոնեզիայի Բալի կղզում G20-ի գագաթնաժողովին, գրում է DW-ի ռուսական ծառայությունը:
«Սի Ցզինպինը կգա: Նախագահ Պուտինն էլ ինձ ասաց, որ կգա»,- ասել է Ինդոնեզիայի նախագահ Յոկո Վիդոդոն Bloomberg-ին տված հարցազրույցում, որը հրապարակվել է այսօր՝ օգոստոսի 19-ին:
Վիդոդոն Պուտինին ուղարկել է գագաթնաժողովի հրավեր, սակայն Կրեմլը դեռ պաշտոնապես չի հաստատել ՌԴ նախագահի մասնակցությունը։ Bloomberg-ին չի հաջողվել G20-ի գագաթնաժողովին պետությունների ղեկավարների մասնակցության հաստատում ստանալ ո՛չ ռուսական, ո՛չ չինական կողմից։
Արևմուտքում Պուտինի մասնակցությունը G20-ի գագաթնաժողովին խնդրահարույց են համարում, քանի որ համաժողովին, ի թիվս այլոց, հրավիրվել է Ռուսաստանի կողմից զինված ագրեսիայի ենթարկված Ուկրաինայի նախագահ Վլադիմիր Զելենսկին։
Արևմտյան երկրները կարծում են, որ Ռուսաստանը պետք է քաղաքականապես մեկուսացվի ուկրաինական պատերազմի պատճառով և կասկածի տակ են դրել իրենց մասնակցությունը Բալիում կայանալիք G20-ի գագաթնաժողովին, եթե Վլադիմիր Պուտինը նույնպես մասնակցի։
Վերջին տարիներին կտրուկ վատթարացել են նաև ԱՄՆ-ի և Չինաստանի հարաբերությունները։ Դրան նպաստել է ԱՄՆ Ներկայացուցիչների պալատի խոսնակ Նենսի Փելոսիի վերջին այցը Թայվան՝ նախագահից և փոխնախագահից հետո ԱՄՆ-ում երրորդ վարկանիշային քաղաքական առաջնորդը, ինչպես նաև ԱՄՆ մի խումբ կոնգրեսականներ:
Ի պատասխան՝ Չինաստանը լայնածավալ զորավարժություններ է անցկացրել Թայվանի մոտ։ Պեկինը Թայվանը համարում է Չինաստանի ապստամբ նահանգ և սպառնում է, որ անհրաժեշտության դեպքում ուժով կվերադարձնի այն իր վերահսկողության տակ։
Տաթև Ֆռանգյան
