30.04.2026 | 19:47
Չեմպիոնների լիգայում հայտնի է շաբաթվա լավագույն ֆուտբոլիստը
Պատերազմից հետո Բերձորում մնացած բնակչության կեսն արդեն տարհանվել է. քաղաքապետ
18.08.2022 | 18:03
Արցախյան երրորդ պատերազմից հետո Բերձոր էր վերադարձել և օգոստոսի 5-ի տվյալներով բնակվում էր 70 ընտանիք՝ 161 շնչով, որոնց կեսն արդեն տարհանվել է՝ պայմանավորված նրանով, որ առաջիկայում կգործարկվի նոր միջանցք՝ Ստեփանակերտ- Գորիս այլընտրանքային երթուղու հատվածում:
Այս մասին «Արցախպրես»-ի թղթակցի հետ զրույցում ասել է Բերձորի քաղաքապետ Նարեկ Ալեքսանյանը:
«Բնակչության մի մասն արդեն տեղափոխվել է թե՛ Արցախի, թե՛ Հայաստանի բնակավայրեր, մի մասն էլ իրերն արդեն հավաքել և սպասում է տրանսպորտային խնդիրների կարգավորմանը:
Պատերազմից հետո Բերձորում բնակվողները հոգեպես ծանր ընդունեցին տարհանվելու լուրը:
Գերեզմաններից նույնիսկ աճյուններն են հանում, տեղափոխում, քանի որ գիտեն՝ թշնամին կպղծի»,- ասել է Ն. Ալեքսանյանը:
Բերձորցի Հասմիկ Խաչատրյանը 1995 թվականից էր վերաբնակվել Բերձորում:
«Արմատներով սյունեցի եմ, բայց առաջին պատերազմից հետո եկել և բնակվել եմ Բերձորում, որտեղ այժմ ստիպված եմ թողնել լավագույն հիշողություններս:
Շատ դժվարություններ ենք հաղթահարել, երբ հերթն հասել է ստեղծածը վայելելուն, պետք է հեռանանք:
Հույս ունեինք, որ ամեն ինչ լավ կլինի: Պատերազմից հետո այդ հույսով էլ վերադարձել էինք:
Ամեն դեպքում հույսը վերջում է մեռնում, նույնիսկ այս իրավիճակում հույս չեմ կորցնում»,- անկեղծացել է Հ. Խաչատրյանը:
