12.12.2024 | 20:51
Վանաձոր-Ստեփանավան ավտոճանապարհին վթարի հետևանքով հիվանդանոց է տեղափոխվել 8 տուժած
Մեկնարկել են Էրդողան-Զելենսկի բանակցությունները․ Թուրքիայի նախագահն առաջարկելու է Պուտինի հետ հանդիպում կազմակերպել․ ԶԼՄ-ներ
Քաղաքականություն
18.08.2022 | 16:49
Լվովում մեկնարկել են Թուրքիայի նախագահ Թայիփ Էրդողանի և Վլադիմիր Զելենսկիի բանակցությունները, հաղորդում է A Haber հեռուստաալիքը։
«Էրդողանի և Զելենսկիի միջև բանակցությունները սկսվել են Լվովում», – հաղորդում է հեռուստաալիքը։
Էրդողանն այսօր ժամանել է Լվով՝ հանդիպելու Վլադիմիր Զելենսկիի և ՄԱԿ-ի գլխավոր քարտուղար Անտոնիո Գուտերեշի հետ, ավելի վաղ հայտնել էր Yeni Şafak թերթը։
Ըստ թուրքական հեռուստատեսության, որը վկայակոչում է դիվանագիտական աղբյուրներին, Էրդողանը Լվով կատարած այցի ընթացքում Զելենսկիին առաջարկելու է հանդիպում կազմակերպել ՌԴ նախագահ Վլադիմիր Պուտինի հետ։ Թուրքական մեկ այլ հեռուստաալիք՝ CNN Turk-ը, վկայակոչելով իր աղբյուրներին, հաղորդում է, որ Պուտինն ու Զելենսկին կարող են հանդիպել Ուկրաինայի «ճանապարհային քարտեզը» որոշելու համար։
Տաթև Ֆռանգյան
