Քաղաքականություն
18.08.2022 | 15:53
ԱՄՆ իշխանությունները մտադիր են շարունակել ձգտել դադարեցնել ռազմական գործողությունները Զապորոժիեի ատոմակայանում և Ուկրաինայի այլ միջուկային օբյեկտներում։ Այս մասին հայտարարել է ԱՄՆ պետքարտուղար Էնթոնի Բլինքենը Ուկրաինայի արտգործնախարար Դմիտրի Կուլեբայի հետ զրույցի ժամանակ, ասվում է Պետքարտուղարության կայքում տեղադրված հայտարարության մեջ։
«Պետքարտուղարը վերահաստատել է, որ Միացյալ Նահանգները կշարունակի կոչ անել՝ դադարեցնել բոլոր ռազմական գործողություններն ուկրաինական միջուկային օբյեկտներում կամ դրա մոտակայքում և այդ օբյեկտների ամբողջական վերահսկողությունն Ուկրաինային վերադարձնել»,- ասվում է հայտարարության մեջ:
Դիվանագետը նաև ողջունել է պաշտոնական Կիևի հավատարմությունը միջուկային անվտանգությանը։
Ավելի վաղ ՌԴ ԱԳՆ-ի զենքի տարածման և սպառազինությունների վերահսկման դեպարտամենտի փոխտնօրեն Իգոր Վիշնևեցկին հայտարարել էր, որ Ատոմային էներգիայի միջազգային գործակալության (ՄԱԳԱՏԷ) պատվիրակությունը չի կարողացել այցելել Զապորոժիեի ատոմակայան, քանի դեռ ուկրաինական կողմը չի դադարեցնի գնդակոծությունները։
Տաթև Ֆռանգյան
