06.11.2024 | 15:29
ՀՀ մշտական բնակչությունը կազմում է 3 մլն 67 հազար 400 մարդ. Վիճակագրական կոմիտե
Չինաստանի բանակը կմասնակցի ՌԴ-ում զորավարժությունների
Քաղաքականություն
17.08.2022 | 22:07
Չինաստանի Ժողովրդական ազատագրական բանակը (PLA) կմասնակցի Ռուսաստանում «Արևելք 2022» ռազմավարական հրամանատարաշտաբային զորավարժություններին, որոնք կանցկացվեն օգոստոսի 30-ից սեպտեմբերի 5-ը։ Այս մասին ասված է ՉԺՀ Պաշտպանության նախարարության հրապարակված հայտարարության մեջ, գրում է EADaily-ն։
«Համաձայն երկու երկրների զինված ուժերի համագործակցության տարեկան պլանի և կողմերի պայմանավորվածությունների՝ PLA-ն շուտով կհատկացնի և ուժերի մի մասը կուղարկի Ռուսաստան՝ մասնակցելու «Արևելք 2022» զորավարժություններին»,- ասվում է հաղորդագրության մեջ։
Նշվում է, որ վարժանքները կնպաստեն «բոլոր երկրների զինված ուժերի միջև բարեկամական համագործակցությանը, ինչպես նաև կբարձրացնեն բոլոր կողմերի միջև ռազմավարական փոխգործակցության մակարդակը և կամրապնդեն անվտանգության տարբեր սպառնալիքներին արձագանքելու կարողությունը»:
Տաթև Ֆռանգյան
