20.11.2024 | 16:30
Հայտնաբերվել են ալկոհոլային խմիչքի ընդհատակյա արտադրամասեր
ՀՀ-ում Մեքսիկայի դեսպանությունը ցավակցել է Հայաստանի ժողովրդին և կառավարությանը
Քաղաքականություն
16.08.2022 | 18:24
Հայաստանում Մեքսիկայի դեսպանությունը (նստավայրը՝ Մոսկվա) ցավակցություն է հայտնել Հայաստանի Հանրապետության կառավարությանը և ժողովրդին Երևանի «Սուրմալու» առևտրի կենտրոնում տեղի ունեցած ողբերգական դեպքի կապակցությամբ: Այդ մասին հաղորդում է «Արմենպրես»-ը՝ վկայակոչելով Մեքսիկայի դեսպանատան թվիթերյան գրառումը:
«Մեքսիկայի դեսպանությունը իր անկեղծ ցավակցությունն է հայտնում Հայաստանի ժողովրդին և կառավարությանը, ինչպես նաև զոհվածների ընտանիքներին և շուտափույթ ապաքինում է մաղթում բոլոր նրանց, ովքեր տուժել են «Սուրմալու» շուկայում տեղի ունեցած պայթյունից», – նշված է գրառման մեջ:
Ըստ վերջին տվյալների՝ օգոստոսի 14-ին Երևանի «Սուրմալու» առևտրի կենտրոնում տեղի ունեցած պայթյունի հետևանքով մահացել է 16 մարդ, տուժել է 60-ից ավելի քաղաքացի, կան նաև անհետ կորածներ:
