18.05.2026 | 13:05
«Սարդարապատը» դարձել է Հայաստանի Առաջին խմբի չեմպիոն․ ՏԵՍԱՆՅՈՒԹ
Հնդկաստանը միանձնյա արգելափակել է Ադրբեջանի մասնակցությունը BRICS-ի առաջիկա գագաթնաժողովին
Քաղաքականություն
16.08.2022 | 13:38
Ադրբեջանական իշխանամետ լրատվամիջոցները, վկայակոչելով իրենց դիվանագիտական աղբյուրները, հաստատել են հույն լրագրող Փոլ Անտոնոպուլոսի կողմից Twitter-ում հրապարակված տեղեկությունն այն մասին, որ Հնդկաստանը միանձնյա արգելափակել է Ադրբեջանի մասնակցությունը BRICS-ի (Բրազիլիա, Ռուսաստան, Հնդկաստան, Չինաստան և Հարավային Աֆրիկա) առաջիկա գագաթնաժողովին՝ որպես հյուր։
Նշենք, սակայն, որ սա առաջին դեպքը չէ, երբ Հնդկաստանը հրաժարվել է աջակցել Ադրբեջանին։ Այսպիսով, Բաքուն Հնդկաստանին մեղադրում է Լոնդոնում Ադրբեջանի դեսպանատան վրա հարձակման հետ կապված Չմիավորման շարժման հռչակագիրը խափանելու մեջ։ Հնդկաստանի պատվիրակությանն աջակցել է նաև Բութանը։
Հստակ հայտնի չէ, թե ինչու է Հնդկաստանը նման կտրուկ դիրքորոշում որդեգրել Ադրբեջանի նկատմամբ, սակայն կարելի է ենթադրել, որ պատճառը Բաքվի և Պակիստանի միջև զարգացող դաշնակցային հարաբերություններն են, մասնավորապես՝ ռազմական ոլորտում, ինչը չի կարող չառաջացնել Նյու Դելիի անհանգստությունը։
Տաթև Ֆռանգյան
