21.12.2025 | 11:11
«Ինտերը», «Յուվենտուսը» և «Նապոլին» հետևում են Սպերցյանի խաղին․ գործակալ
Մեր կամավորները ձայներ չեն լսել երեկ. Կարմիր Խաչի գործադիր տնօրեն․ ՏԵՍԱՆՅՈՒԹ
Հասարակություն
16.08.2022 | 11:45
«Երրորդ օրն է, ինչ շարունակվում են որոնողափրկարարական աշխատանքները, մենք ներգրավված ենք այդ հատվածում, ինչպես նաև առաջին օգնության ծառայություն ենք մատուցում դրա կարիքն ունեցող մեր հայրենակիցներին»,-լրագրողների հետ զրույցում այս մասին նշեց Հայկական Կարմիր Խաչ ընկերության գլխավոր քարտուղար Աննա Եղիազարյանը:
Նրա խոսքով՝ երեք օրվա ընթացքում օգնության համար դիմել է 140 քաղաքացի, այժմ օգնություն հայցողների թիվը պակասել է. «Եթե նախորդ երկու օրերին 120 հոգի էր դիմել հոգեբանական աջակցության համար, ապա այս պահի դրությամբ՝ 20 հոգի:
«Հիմնականում դիմում են տուժածների հարազատները, «Սուրմալու» առևտրի կենտրոնի տարածքում աշխատող մարդիկ և փրկարարները, որոնք ունենում են արյան ճնշման խնդիրներ, գլխացավեր, այրվածքներ:
Առաջին իսկ օրվանից այստեղ ենք: Մեր մանդատն է՝ լինել այնտեղ, որտեղ մեր կարիքը կա: Հենց այս պահի դրությամբ 50 հոգի աշխատում է այստեղ՝ կամավորներ և աշխատակազմ: Երեկ 90-ն էին ներգրավված, այս պահին՝ 50-ը, նրանցից 20-ը ներգրավված է որոնողափրկարարական աշխատանքներում»,- նշեց Եղիազարյանը:
Անդրադառնալով «Սուրմալու» կենտրոնում փլատակների տակից ձայներ լսելու վերաբերյալ հարցին՝ Կարմիր Խաչ ընկերության գլխավոր քարտուղարը նշեց. «Հայկական Կարմիր Խաչի կամավորները ձայներ չեն լսել:Մեր կամավորները հատուկ պատրաստվածություն ունեն, իրենք չհիմնավորված որևէ ինֆորմացիա չեն կարող տալ, որպեսզի չբորբոքեն մարդկանց հարազատների հույզերը: Ինձ ասացին, որ եղել են կամավորներ, որոնք ինչ-ինչ ձայներ են լսել: Նկուղում մարդիկ են աշխատում, հնարավոր է նրանց ձայնն արձագանքի, և տպավորություն լինի, որ ներքևից ձայներ են գալիս»:
Մանրամասները՝ տեսանյութում:
