02.07.2026 | 11:14
Փաշինյանը կառավարությունում հյուրընկալել է Ուրսուլա ֆոն դեր Լայենին․ ՏԵՍԱՆՅՈՒԹ
Պենտագոնի ղեկավարը հիվանդացել է կորոնավիրուսով
Քաղաքականություն
16.08.2022 | 11:05
ԱՄՆ պաշտպանության նախարար Լլոյդ Օսթինի կորոնավիրուսի թեստը դրական է եղել։ Այս մասին ասված է Պենտագոնի մամուլի ծառայության տարածած հայտարարության մեջ։
«Այսօր առավոտյան COVID-19-ի իմ թեստը դրական է եղել: Ինձ մոտ մեղմ ախտանիշներ են, հաջորդ հինգ օրվա ընթացքում կարանտինում կլինեմ տանը»,- հայտնել է Օսթինը:
Նա նաև նշել է, որ վերջին անգամ ԱՄՆ նախագահ Ջո Բայդենի հետ շփվել է հուլիսի 29-ին։
Պենտագոնի ղեկավարը հիշեցրել է, որ հունվարին ևս հիվանդացել է կորոնավիրուսով։ Այնուհետև բժիշկն ասել է, որ լիարժեք պատվաստման և COVID-19 պատվաստանյութի երկու խթանող չափաբաժինների շնորհիվ հիվանդությունն այնքան էլ ծանր չի տանում։
«Առաջիկա օրերին ես կշարունակեմ խորհրդակցել իմ բժշկի հետ»,- հավելել է Օսթինը։
Ջոն Հոփքինսի համալսարանի տվյալներով՝ ԱՄՆ-ում համաճարակի ողջ ժամանակահատվածում ավելի քան 92 միլիոն մարդ վարակվել է կորոնավիրուսով, մոտ 1 միլիոն մարդ մահացել է երկրում։
Հիշեցնենք, որ ամերիկյան Pfizer դեղագործական ընկերության գործադիր տնօրեն Ալբերտ Բուրլան վարակվել էր կորոնավիրուսով Pfizer-BioNTech-ով չորս պատվաստումներից հետո։
Տաթև Ֆռանգյան
