09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
«Սուրմալու»-ում ողբերգությունից զոհվածների թվում կա մեկ մանկահասակ երեխա և հղի կին. ԱԻ նախարար
Հասարակություն
16.08.2022 | 09:22
«Սուրմալու» առևտրի կենտրոնում օգոստոսի 14-ին տեղի ունեցած պայթյունի հետևանքով զոհվածների թվում կա մեկ մանկահասակ երեխա և հղի կին: Այս մասին Ֆեյսբուքի պաշտոնական էջում գրել է ՀՀ ԱԻ նախարար Արմեն Փամբուխչյանը։
«Ամբողջ գիշեր՝ ոչ մի վայրկյան դադար աշխատանքով, փրկարարները հայտնաբերել են ևս 8 դի, ընդհանուր 15 զոհ, որոնց թվում մեկ մանկահասակ երեխա և հղի կին։ Որոնողափրկարարական աշխատանքները շարունակվում են»,- նշված է գրառման մեջ։
Հիշեցնենք՝ օգոստոսի 14-ին, ժամը 13։23-ին Ճգնաժամային կառավարման ազգային կենտրոն ահազանգ է ստացվել, որ Երևանի Արշակունյաց 15 հասցեում գտնվող «Սուրմալու» առևտրի կենտրոնում տեղի է ունեցել պայթյուն՝ հրդեհի բռնկմամբ, ինչի հետևանքով եռահարկ շինությունը մասնակի փլուզվել է։
Այս պահի տվյալներով՝ պայթյունի հետևանքով կա 16 զոհ, անհետ կորած է համարվում 18 քաղաքացի։
