16.09.2026 | 12:10
Փաշինյանը Հեսսենի խաղաղության մրցանակ կստանա // ԶՈՒ ԳՇ պետը գիշերային անակնկալ ստուգայց է կատարել․ ԼՈՒՐԵՐ
Սի Ցզինպինը Կոմունիստական կուսակցության անդամներին կոչ է արել իրականացնել Չինաստանի զարգացման նոր հայեցակարգը
Քաղաքականություն
15.08.2022 | 23:26
ՉԺՀ նախագահ Սի Ցզինպինը կոչ է արել Չինաստանի կոմունիստական կուսակցության ավելի քան 90 միլիոն անդամներին՝ իրականացնել երկրի զարգացման նոր տեսլականը։ Այս մասին հայտնում է Լենտան՝ վկայակոչելով «Ճշմարտության որոնումներում» ամսագրի համար Չինաստանի ղեկավարի գրած հոդվածը, որը լույս կտեսնի օգոստոսի 16-ին։
Ըստ հրապարակման՝ նոր հայեցակարգը համակարգ է, որը պատասխանում է մի շարք տեսական և գործնական հարցերի՝ զարգացման նպատակի, շարժիչ ուժի, մեթոդի և ուղու մասին, ինչպես նաև հստակեցնում է կուսակցության քաղաքական դիրքորոշումը։
«Անհրաժեշտ է հասկանալ հիմնական հակասությունները և դրանց հիմնական կողմերը, արդյունավետ լուծել չլուծված խնդիրները, որոնք ազդում են զարգացման նոր մոդելի կառուցման և բարձրորակ զարգացման, (…) արտադրության և մարդկանց կյանքի վրա»,- գրել է ՉԺՀ ղեկավարը։
Սի Ցզինպինը պահանջել է ավելի հստակ ներդնել բարեփոխումների ծրագրերն ու ավելի համակողմանիորեն կատարելագործել համակարգը», ինչպես նաև ավելի շատ ուշադրություն դարձնել համընդհանուր զարգացմանը՝ որպես սոցիալական արդիականացման կարևոր խնդիր։
Տաթև Ֆռանգյան
