16.09.2026 | 13:39
Հայկական ֆուտբոլում տրանսֆերային ռեկորդ է գրանցվել
ԱՄՆ կոնգրեսականների պատվիրակությունը ժամանել է Թայվան
Քաղաքականություն
14.08.2022 | 19:48
ԱՄՆ կոնգրեսականների պատվիրակությունը սենատոր Էդ Մարկիի գլխավորությամբ կիրակի ժամանել է Թայվան, հայտնել են կղզու արտաքին գործերի նախարարությունից, փոխանցում է «ՌԻԱ Նովոստի»-ն։
«Փոխարտգործնախարար Յու (Յու Դալեյը) ջերմորեն ողջունել է Թայվանի վաղեմի բարեկամ սենատոր Մարկիին և նրա միջկուսակցական պատվիրակությանը»,- ասվում է նախարարության Twitter-ի պաշտոնական հաղորդագրության մեջ։
Ավելի վաղ Թայվանի Ամերիկյան ինստիտուտը (որը ծառայում է որպես ԱՄՆ դե ֆակտո դեսպանատուն կղզում) հայտնել էր, որ պատվիրակությունը կայցելի Թայվան 2022 թվականի օգոստոսի 14-15-ը՝ Հնդկա-խաղաղօվկիանոսյան տարածաշրջան կատարած ավելի մեծ այցի շրջանակներում:
Ընդհանուր առմամբ՝ պատվիրակության կազմում եղել է 5 քաղաքական գործիչ։
Հիշեցնենք՝ Թայվանի շուրջ իրավիճակը սրվել էր ԱՄՆ Կոնգրեսի Ներկայացուցիչների պալատի նախագահ Նենսի Փելոսիի վերջին այցից հետո. սա վերջին 25 տարվա ընթացքում այս աստիճանի ամերիկացի քաղաքական գործչի առաջին այցն էր։
Միևնույն ժամանակ, Սպիտակ տան վարչակազմը, որին Չինաստանի նախագահ Սի Ցզինպինը նախապես զգուշացրել էր, որ «կրակի հետ խաղալը կարող է այրվել», վստահեցրել է Պեկինին «մեկ Չինաստանի» քաղաքականությանը հավատարիմ լինելու մեջ։
