27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Մենք չենք լինելու կառավարության կցորդը, լինելու ենք կառավարության գործընկերը. ՀՀԿ խոսնակ. ՏԵՍԱՆՅՈՒԹ
Քաղաքականություն
18.05.2018 | 15:50
Կուսակցության գործադիր մարմնում արտահերթ ընտրությունների հարց չի քննարկվել. մի քանի լրագրողի հետ զրույցում ասաց ՀՀԿ խոսնակ Էդուարդ Շարմազանովը:
«Ինչու չի քննարկվել, որովհետև այսօր օրակարգային հարցում այն չկա: Այս պահին արտահերթ ընտրությունների մի տարբերակ կա. կառավարության ծրագիրը պետք է տապալվի և գնանք դեպի արտահերթ ընտրություններ»,- ասաց նա:
Դիտարկմանը, որ կարծիքներ են հնչում, որ այս պառլամենտը չի վայելում ժողովրդի վստահությունը ու պետք է ցրվի, Շարմազանովը նկատեց. «Ես չեմ կարծում, որ այս պառլամենտը այն պառլամենտն է, որը չի կարող իրականացնել երկրի առջև ծառացած խնդիրները: Մենք չենք լինելու կառավարության կցորդը, լինելու ենք կառավարության գործընկերը և արհեստականորեն չենք խոչընդոտելու Փաշինյանի կառավարության աշխատանքներին»:
Լրագրողի այն հարցին, որ հայտարարում եք, որ Փաշինյանի ծրագրերին չեք խանգարելու, իսկ Փաշինյանի ծրագրերի մեջ է մտնում վերջնարդյունքում արտահերթ խորհրդարանական ընտրությունների անցկացումը, դրա համար նա Ընտրական օրենսդրության փոփոխություն է նախատեսում, դրան խոչընդոտելո՞ւ եք, պատասխանեց. «Խնդրում եմ և՛ լրագրողներին, ՛և Փաշինյանի կառավարությանը շատ հանգիստ վերաբերվել այլակարծությանն ու բազմակարծությանը ՀՀԿ-ն կարծիք ունենալու իրավունք ունի»:
