09.10.2026 | 13:56
ԱԱԾ-ն հերքում է ադրբեջանցիների ներթափանցումը Սյունիք
Արևմուտքն Ուկրաինային ավելի քան 1,5 միլիարդ եվրոյի ռազմական օգնություն է խոստացել
Քաղաքականություն
12.08.2022 | 19:46
Արևմտյան երկրները դոնորների համաժողովում խոստացել են ավելի քան 1.5 միլիարդ եվրոյի չափով կանխիկ միջոցներ, սարքավորումներ և ուսուցման հնարավորություն տրամադրել՝ ուժեղացնելու Ուկրաինայի ռազմական ներուժը Ռուսաստանի դեմ պայքարում, գրում է VOA-ն:
Գումարը խոստացել են 26 երկրներ Կոպենհագենում պաշտպանության նախարարների համաժողովում, լրագրողներին ասել է Դանիայի պաշտպանության նախարար Մորտեն Բոդսկովը։
«Բոլոր երկրները, որոնք եկել են Կոպենհագեն, եկել են Ուկրաինային աջակցելու մտադրությամբ»,- մեկօրյա հանդիպման ավարտին ասել է Բոդսկովը։
Գումարը կօգտագործվի զենքի, հրթիռների և զինամթերքի մատակարարման, Ուկրաինայի համար զենքի արտադրության ավելացման, ուկրաինացի զինվորների վերապատրաստման և Ուկրաինայի պատերազմից տուժած շրջաններն ականազերծելու համար:
Լեհաստանի, Սլովակիայի և Չեխիայի պաշտպանության նախարարները պատրաստակամություն են հայտնել ընդլայնել Ուկրաինայի համար հրետանային համակարգերի, զինամթերքի և այլ ռազմական տեխնիկայի արտադրությունը, ասել է Բոդսկովը։
Տաթև Ֆռանգյան
