27.02.2026 | 21:28
Ամերիաբանկը` միջազգային հեղինակավոր Los Angeles Times թերթում
Լեհաստանի Օդրա գետում տոննաներով ձուկ է սատկել քիմիական նյութերով ջրի աղտոտվածության պատճառով
Քաղաքականություն
12.08.2022 | 16:17
Լեհ բնապահպաններն ավելի քան տասը տոննա սատկած ձուկ են դուրս բերել Ստորին Սիլեզիայի Օլավա քաղաքի մոտ գտնվող Օդրա գետից։ Այս գետը, որը Գերմանիայում հայտնի է որպես Օդեր, նշում է երկու երկրների սահմանը, գրում է Euronews-ը։
Մի քանի փորձաքննություններից հետո պարզվել է, որ թունավոր նյութը, հավանաբար՝ արդյունաբերական ձեռնարկություններից մեկից, հայտնվել է Օդրայի ջրերում։ Դեռևս հայտնի չէ, թե որ ձեռնարկությունն է ստեղծված իրավիճակի մեղավորը։
Տեղի իշխանությունները կոչ են արել շրջանի բնակիչներին չմոտենալ ջրամբարին և հեռու պահել երեխաներին ու կենդանիներին այնտեղից, ինչպես նաև պահանջել են գտնել ու պատժել մեղավորներին։
«Մենք գործ ունենք աղաղակող բնապահպանական աղետի հետ՝ շրջակա միջավայրին և ձկներին հասցված վնասի առաջին գնահատականներով, քանի որ խոսքը հիմնականում սատկած ձկների մասին է, խոսքը մի քանի միլիոն զլոտիի կորուստների մասին է»,- ասել է Polish Waters Պետական գործակալության ղեկավար Պշեմիսլավ Դացան։
Բնապահպաններն արդեն պարզել են, որ ձկների սատկելու պատճառ է դարձել ոչ թե ամառային շոգը, այլ ջրի քիմիական թունավորումը․ գետում թթվածնի շատ բարձր մակարդակ է գրանցվել, ինչը նշանակում է, որ հնարավոր է՝ դրա մեջ բարձր թթվայնության հատկություններով քիմիական նյութեր են հայտնվել։
Ավելի վաղ հաղորդվել էր, որ հուլիսի 28-ին Օդրայում վերցված նմուշներում մեզիտոլ է հայտնաբերվել, սակայն հետագա նմուշներում այն այլևս չի եղել։ Բանակն օգնում է բնապահպաններին գետի մաքրման աշխատանքներում։
Տաթև Ֆռանգյան
