16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
ՄԱԿ-ը հայտնել է, որ ուկրաինական հացահատիկային գործարքի շրջանակում ավելի քան 370․000 տոննա պարեն է արտահանվել
Քաղաքականություն
11.08.2022 | 21:02
ՄԱԿ-ը հայտնել է, որ Ստամբուլյան հռչակագրից հետո մեկ շաբաթում Ուկրաինան ավելի քան 370,000 տոննա հացահատիկ է արտահանել, գրում է Bianet-ը։
Նյու Յորքում լրագրողների հետ զրույցում Համատեղ համակարգման կենտրոնի ՄԱԿ-ի համակարգող Ֆրեդերիկ Քենին ասել է, որ պարենով 12 նավ է լքել ուկրաինական նավահանգիստները։
«Մենք հսկայական հետաքրքրություն ենք տեսել նավերի սեփականատերերի կողմից՝ այս տարանցումը կատարելու նրանց պատրաստակամության առումով։ Ակնկալում ենք հայտերի մեծ աճ»,- ասել է նա։
Պարենային մի շարք նավեր թուրքական ջրերում հիմա էլ սպասում են պայմանագրերի։ Պաշտոնյան հայտնել է, որ գործաքներից հետո դրանք նոր ուղևորվելու են հյուսիս։
Ուկրաինայի նավահանգիստներից մեկնող նավերը բեռնված են եղել եգիպտացորենով և պարենով, ցորենի առաջին առաքումը սպասվում է հաջորդ շաբաթ։
Հիշեցնենք, որ հացակատիկային գործարքը հուլիսի 22-ին կնքվել է Ստամբուլում՝ Թուրքիայի, ՌԴ-ի, Ուկրաինայի ու ՄԱԿ-ի ներկայացուցիչների միջև։ Ուկրաինական Օդեսա նավահանգստից պարենով բեռնված առաջին նավը դուրս է եկել օգոստոսի 1-ին։
Էմմա Չոբանյան
