18.12.2025 | 19:26
Պապիկյանը ՆԱՏՕ-ի գլխավոր քարտուղարի տեղակալի հետ քննարկել է գործընկերության ընթացքը և զարգացման հեռանկարները
Գազի ոլորտում Ադրբեջանի և Եվրամիության համագործակցությունը չի հակասում Մոսկվայի ու Բաքվի դաշնակցային հռչակագրին. ՌԴ ԱԳՆ
Քաղաքականություն
11.08.2022 | 17:09
Մոսկվայում կարծում են, որ Ադրբեջանի և Եվրամիության միջև ստորագրված՝ գազի մատակարարման ծավալների մեծացման մասին փաստաթուղթը չի հակասում Ռուսաստանի ու Ադրբեջանի միջև 2022 թ. փետրվարի 22-ի դաշնակցային փոխգործակցության հռչակագրի դրույթներին:
Այս մասին ճեպազրույցի ժամանակ ասել է ՌԴ ԱԳՆ տեղեկատվության և մամուլի դեպարտամենտի ղեկավարի տեղակալ Իվան Նեչաևը՝ պատասխանելով «Լուրերի» հարցին։
Նրա խոսքով՝ ցանկացած պետություն իրավունք ունի որոշելու՝ ում հետ և ինչպես զարգացնել հարաբերությունները, այդ թվում՝ նավթագազային ոլորտում:
«Վերջին տարիներին Ադրբեջանը զգալի թռիչք է կատարել սոցիալ-տնտեսական զարգացման ուղղությամբ: Դա, իհարկե, մեծացնում է միջազգային ներդրողների հետաքրքրությունը երկրի նկատմամբ: Մոսկվան ու Բաքուն հենվում են վառելիքային-էներգետիկ ոլորտում բազմամյա արդյունավետ համագործակցության փորձի վրա»,- նշել է Նեչաևը՝ հավելելով, որ երկու երկրների օրակարգում առևտրատնտեսական համագործակցության երկարաժամկետ պայմանագրերի կյանքի կոչումն է, ինչպես նաև նոր ներդրումային ծրագրերի մշակումը:
