08.06.2026 | 15:04
Համայնքապետերի ներկայությունից մինչև ընտրողների տեղափոխման դեպք․ «Ականատես»-ի արձանագրած խախտումները․ ՏԵՍԱՆՅՈՒԹ
Թուրքիան հրաժարվում է միանալ էներգետիկ ոլորտում ՌԴ-ի դեմ պատժամիջոցներին
Քաղաքականություն
11.08.2022 | 18:55
Թուրքիան չի միանա Ռուսաաստանի դեմ պատժամիջոցներին էներգետիկ ոլորտում։ Այս մասին հայտարարել է Թուրքիայի էներգետիկայի և բնական պաշարների նախարար Ֆաթիհ Դյոնմեզը «Անադոլու» գործակալությունում խմբագիրների հետ կլոր սեղանի ընթացքում, փոխանցում է Իզվեստիան։
«Մենք հենց սկզբից հայտարարել ենք, որ չենք կատարելու որոշումները, որոնք բխում են Ռուսաստանի դեմ պատժամիջոցներից։ Մենք Ռուսաստանի հետ ունենք գործող պայմանագիր։ Մենք ունենք գործող պայմանագիր Ադրբեջանի և Իրանի հետ։ Մենք կապի մեջ ենք նրանց հետ։ Անհրաժեշտության դեպքում ՝կարող ենք ավելացնել գազի մատակարարումները»,- ասել է Դյոնմեզը։
Նա նաև հայտնել է, որ որ Ռուսաստանի և Թուրքիայի նախագահներ Վլադիմիր Պուտինն ու Ռեջեփ Թայիփ Էրդողանը հեռախոսով քննարկելու են «Աքքույու» ատոմակայանի կառուցման հարցը։ Դյոնմեզը հիշեցրել է, որ օգոստոսի 9-ին Էրդողանը եղել է ԱԷԿ-ի շինարարական հրապարակում, ծանոթացել աշխատանքների ընթացքին ու հանձնարարականներ տվել։
Հավելենք, որ ԱԷԿ-ի հարցը քննարկվել էր նաև օգոստոսին 5-ին Սոչիում կայացած Պուտին-Էրդողան հանդիպմանը։
Էմմա Չոբանյան
