19.08.2026 | 11:06
«Բավարիայի» աստղը դարձյալ ուշագնաց է եղել հանդիպման ժամանակ. ՏԵՍԱՆՅՈՒԹ
Պուտինը հանցավոր պատերազմ է վարում․ Օլաֆ Շոլց
Քաղաքականություն
11.08.2022 | 17:42
Ներկայում գերմանական կառավարությանը հուզող բոլոր խնդիրներից ամենամեծ մարտահրավերը Ռուսաստանի պատերազմն է Ուկրաինայի դեմ։ Այս մասին օգոստոսի 11-ին Բեռլինում կայացած մամուլի ասուլիսում հայտարարել է Գերմանիայի կանցլեր Օլաֆ Շոլցը, գրում է DW-ի ռուսական ծառայությունը։
Պատերազմը, որը Ռուսաստանը սկսել է Ուկրաինայի դեմ, Շոլցն անվանել է «սարսափելի» և Գերմանիայից հսկայական ջանքեր պահանջող՝ օգնելու Ուկրաինային «անկախության համար պայքարում»։ Կանցլերը հիշեցրել է աշխարհի ճգնաժամային շրջաններին զենք չմատակարարելու՝ ԳԴՀ-ի նախկին կուրսի արմատական մերժումը և ուկրաինական բանակին գերմանական ժամանակակից ռազմական տեխնիկայի մասին, իսկ ծանր տեխնիկայի վերջին փոխանցումը բնութագրել է որպես «շատ արդյունավետ»։
Գերմանիայի կառավարության ղեկավարի խոսքով՝ «Ռուսաստանը մտածում է 17-րդ, 18-րդ և 19-րդ դարերի չափանիշով, վարում է կայսերական քաղաքականություն և հնարավոր է համարում հարձակվել հարևան երկրի վրա ու գրավել նրա տարածքի մի մասը»։ Սակայն, ի տարբերություն ԱՄՆ նախագահ Ջո Բայդենի, Գերմանիայի կանցլերը ձեռնպահ է մնում անձամբ Վլադիմիր Պուտինին պատերազմական հանցագործ անվանելուց։
Տաթև Ֆռանգյան
