21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Ղրիմում ռուսական օդանավակայանի պայթյուններն Ուկրաինայի հատուկ ուժերի օպերացիայի արդյունքն են․ Washington Post
Քաղաքականություն
10.08.2022 | 16:17
Ամերիկյան The Washington Post պարբերականը, հղում անելով Ուկրաինայի կառավարության անանուն ներկայացուցչին, հայտնում է, որ Ղրիմի Նովոֆեդորովկա ռուսական ռազմական օդանավակայանում պայթյուններն ուկրաինական հատուկ ջոկատայինների գործողության արդյունք են, գրում է BBC-ի ռուսական ծառայությունը։
Լրատվամիջոցը չի նշում, թե որ ստորաբաժանման մասին է խոսքը, սակայն ավելի վաղ արևմտյան ԶԼՄ-ները գրում էին, որ ուկրաինական հատուկ ուժերը զբաղվում են ռուսական զորքերի թիկունքում, այդ թվում՝ ՌԴ տարածքում գործողությունների կազմակերպմամբ։ Աղբյուրը նաև չի ասել, թե ինչ ձևով է կազմակերպվել հարձակումը։
Հավելենք, որ ՌԴ ՊՆ Նովոֆեդորովկայի օդանավակայանում պայթյուններից հետո Ուկրաինայի ՊՆ-ն ուղղակիորեն չի ընդունել իր մասնակցությունը միջադեպին։ Սակայն ավելի ուշ ուկրաինացի պաշտոնյաները սկսել են ակտիվորեն մեկնաբանել պայթյուններն ու ասել, որ «Ռուսաստանի ապառազմականացումը» նոր է սկսվում։
ԱՄՆ կառավարության ներկայացուցիչն էլ անանունության պայմանով լրատվամիջոցին հայտնել է, որ հարձակումը, ամենայն հավանականությամբ, իրականացրել է Ուկրաինան, սակայն չի օգտագործել Վաշինգտոնի կողմից տրամադրված զենքերը։
Էմմա Չոբանյան
