15.12.2025 | 13:02
Ռոստովի մարզը ենթարկվել է ԱԹՍ-ների զանգվածային հարձակման. վնասվել են էլեկտրահաղորդման գծեր և բնակելի տներ. ՏԵՍԱՆՅՈՒԹ
Պեսկովը հայտարարել է, որ Ուկրաինայում ապառազմականացումը կառնչվի նաև «Բայրաքթար»-ների գործարանին
Քաղաքականություն
09.08.2022 | 14:55
Ուկրաինայում թուրքական «Բայրաքթար» անօդաչու թռչող սարքերի արտադրության գործարանը, եթե այն ստեղծվի, անմիջապես կենթարկվի ապառազմականացման։ Այս մասին լրագրողների հետ զրույցում հայտարարել է ՌԴ ղեկավարի մամուլի քարտուղար Դմիտրի Պեսկովը, գրում է ՏԱՍՍ-ը։
«Նման օբյեկտի ստեղծման փաստը, որը, իհարկե, անմիջապես կընկնի ապառազմականացման տակ, պետք է հասկանալ, որ միայն կավելացնի ուկրաինացիների տառապանքը, սակայն չի օգնի խուսափել նրանից, ինչը հանդիսանում է «հատուկ ռազմական օպերացիայի» նպատակը»,- ասել է Պեսկովը՝ մեկնաբանելով նման գործարանի կառուցման մասին լուրերը։
Հավելենք, որ թուրքական լրատվամիջոցներն ավելի վաղ տեղեկություններ էին տարածել, որ նախագահ Էրդողանը կուսակցական ղեկավարության հետ հանդիպման ժամանակ գործընկերներին ասել է, թե Թեհրանում վերջերս կայացած հանդիպման ժամանակ ՌԴ նախագահ Վլադիմիր Պուտինը դիմել է իրեն՝ առաջարկելով գործարք կնքել թուրքական «Բայքար» ընկերության հետ՝ ՌԴ-ում հարվածային անօդաչու թռչող սարքեր արտադրելու համար։ Անդրադառնալով այս թեմային՝ ՌԴ նախագահի մամուլի խոսնակ Դմիտրի Պեսկովը չէր հերքել Պուտինի առաջարկի մասին լուրը՝ նշելով, որ երկու երկրների միջև ռազմատեխնիկական համագործակցությունը մշտապես օրակարգում է։
Էմմա Չոբանյան
