13.01.2025 | 21:00
Հայաստանը հարուստ օրակարգ ունի Իրանի հետ. ՏԿԵ նախարարը՝ Մեջլիսի բարեկամական խմբի ղեկավարին
Էրդողանն ու Ասադը կարող են հեռախոսային բանակցություններ անցկացնել․ ԶԼՄ-ներ
Քաղաքականություն
09.08.2022 | 15:20
Թուրքիայի նախագահ Ռեջեփ Թայիփ Էրդողանն ու Սիրիայի նախագահ Բաշար Ասադը կարող են հեռախոսազրույց ունենալ ՌԴ նախագահ Վլադիմիր Պուտինի առաջարկով։ Այս մասին հայտնում է թուրքական Türkiye-ն՝ վկայակոչելով իր աղբյուրներին, գրում է ՌԻԱ Նովոստին։
«Ինչպես հայտնի է՝ նախագահ Էրդողանը, որը վերջերս այցով Սոչիում էր, ՌԴ նախագահ Պուտինի հետ կարծիքներ է փոխանակել Սիրիայի հարցով։ Պատասխանելով լրագրողների հարցերին՝ Էրդողանը նշել է, որ չնայած Սիրիայի հետ սահմանին ահաբեկչական կառույցների առկայությանը՝ Պուտինն առաջարկել է՝ «Եթե նախընտրեք այն լուծել ռեժիմի հետ միասին, ավելի ճիշտ կլինի»»,- գրում է լրատվամիջոցը։
Իշխանական շրջանակների հետ սերտ կապեր ունեցող լրատվականը նշում է, որ Պուտինն առաջարկել է կողմերին հանդիպել քննարկումների համար։
«Ըստ լուրերի՝ Անկարան հայտարարել է, որ դեռ շատ վաղ է նման հանդիպման համար։ Սակայն նշվել է, որ կարող են հեռախոսային բանակցություններ տեղի ունենալ Էրդողանի ու Ասադի միջև։ Թուրքիայի և Սիրիայի միջև բանակցային շարժման մեջ սկսվել է տարածաշրջանը լավ ճանաչող փորձագետներից կազմված հանձնաժողովի ձևավորումը»,- գրում է թուրքական լրատվամիջոցը։
Հիշեցնենք, որ նախօրեին Էրդողանը կրկին հայտարարել էր, որ Թուրքիան առաջիկայում նոր ռազմական գործողություն է սկսելու Սիրիայում՝ «ահաբեկիչներից այն մաքրելու համար»։
Էմմա Չոբանյան
