12.03.2026 | 21:16
Հայաստանի և Շվեյցարիայի ԱԳ նախարարները մտքեր են փոխանակել Մերձավոր Արևելքում զարգացումների շուրջ
ՌԴ-ն պետք է իրեն պահի որպես դաշնակից, Արևմուտքը` դուրս գա հայտարարությունների ձևաչափից. Հովհաննիսյան․ ՏԵՍԱՆՅՈՒԹ
Քաղաքականություն
09.08.2022 | 12:57
«Ռուսաստանը շատ ավելին պետք է իրեն պահի՝ որպես գլխավոր դաշնակից, չնայած ինքը նաև խաղաղապահ է Արցախում»,- այս մասին այսպր լրագրողների հետ ասուլիսի ժամանակ նշեց «Ժառանգություն» կուսակցության հիմնադիր Րաֆֆի Հովհաննիսյանը։
«Թե՛ Ռուսաստանը և թե՛ Մինսկի խմբի գործընկերները, միջազգային հանրությունը, Արևմուտքը պետք է հասկանան, որ իրենք պետք է խաղաղարար լինեն և ոչ միայն խոսքի խաղաղապահ: Իմ քննադատական խոսքի սլաքն ուղղված է թե՛ Ռուսաստանին, թե՛ Արևմուտքին:
Այն գործընկերները, որոնք, կանխորոշելով ԼՂ խաղաղ բանակցային գործընթացը, հայտարարում են, թե Արցախը պատկանում է Ադրբեջանին, ինչ մակարդակով էլ հայտարարեն, դա անընդունելի է:
Ռուսաստանը պետք է լինի դաշնակից, և Արևմուտքի գործընկերները պետք է դուրս գան գեղեցիկ հայտարարությունների ձևաչափից և արժեքային, գործնական զորակցակցություն բերեն Հայաստանին՝ ըստ սկզբունքների, առաջին հերթին ելնելով ինքնորոշման սկզբունքից»,- նշեց Հովհաննիսյանը:
Մանրամասները՝ տեսանյութում։
