12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Գերիները պետք է վերադառնան, օտար զորքերը դուրս գան ինքնիշխան տարածքներից. Րաֆֆի Հովհաննիսյան․ ՏԵՍԱՆՅՈՒԹ
Տեսանյութեր
09.08.2022 | 12:37
«Նիկոլ Փաշինյանի հրաժարականը համազգային հրամայական է, անկախ նրանից, թե ով է դրա մասին բարձրաձայնում»,- այս մասին լրագրողների հետ ասուլիսի ժամանակ նշեց «Ժառանգություն» կուսակցության հիմնադիր Րաֆֆի Հովհաննիսյանը։
«Հույս ունեի, որ մինչև այս պահը գոնե քաղաքացի Փաշինյանի ընտանիքն իր հետ կխոսեր և որոշ ազդեցություն կիրացներ նրա նկատմամբ, գոնե երեխաների հեռանկարի պահով, որ ահավոր բումերանգը չխփեր իրենց ու իրենց ապագային»,- նշեց Հովհաննիսյանը:
Նա նաև հավելեց, որ ակնկալում է ոչ միայն Նիկոլ Փաշինյանի հրաժարականը. «ՀՀ արտգործնախարարը և Անվտանգության խորհրդի քարտուղարը պետք է հրաժարական տան, եթե ունեն սեփական նվազագույն արժանապատվության զգացում»:
«Անցնում ենք հիմա քաղաքական, կուսակցական թիմակիցներին և շատ փոքրիկ հույսով, որովհետև մենք հիշում ենք, որ մի քանի օր առաջ Անվտանգության խորհրդի քարտուղարը և ԱԳ նախարարը պաշտոնապես հայտարարեցին, որ Հայաստանը չի ընդունել Բերձորի և Աղավնոյի վերաբերյալ որևէ ծրագիր, պլան և դա պաշտոնական Երևանի դիրքորոշումն էր: Եվ չնայած դրան մի քանի օր անց, հերթական անգամ բանավոր ինքնագործունեության հետևանքով մի մարդ որոշեց, որ այդպես չէ, և ինչպես Քարվաճառը, Սանասարը, Գորիս-Կապան ճանապարհը, առանց ՍԴ իրավական հավանության, առանց ԱԺ վավերացման, առանց հայ ժողովրդի տեսակետը լսելու, մի մարդ որոշեց, որ պետք է զիջվի հայրենի հողը, կյանքի ճանապարհը»,- նշեց «Ժառանգության» առաջնորդը:
Հովհաննիսյանի դիտարկմամբ՝ զիջելով այդ ճանապարհը՝ Արցախը ենթարկվում է շրջափակման վտանգին և Ադրբեջանի կազմում հայտնվելու հեռանկարին: Նրա խոսքով՝ Արցախի անվտանգության և կենցաղի հիմնախնդիրները, այդպիսով, կհայտնվեն Ադրբեջանի իշխանության ձեռքերի մեջ: «Դա արվում է առանց նախապայմանների, մինչդեռ նոյեմբերի 9-ի հայտարարության համաձայն՝ օտար զորքերը պետք է դուրս գան մեր ինքնիշխան տարածքներից, գերիները պետք է վերադառնան հայրենիք»:
Մանրամասները՝ տեսանյութում։
