28.06.2026 | 13:32
Արման Եղոյանը և Արուսյակ Ջուլհակյանը ԱԺ փոխնախագահ դառնալու ցանկություն ունեն. առայժմ հայտնի է 4 թեկնածուի մասին
Զելենսկին կոչ է անում Արևմուտքին՝ արգելել իրենց երկրներ ռուսաստանցիների մուտքը․ Washington Post
Քաղաքականություն
09.08.2022 | 14:20
Ուկրաինայում Ռուսաստանի ագրեսիան կարելի է կանգնեցնել այն դեպքում, եթե Արևմուտքի երկրներն արգելեն ՌԴ քաղաքացիների մուտքն իրենց տարածք։ Այս մասին Washington Post-ին տված հարցազրույցում ասել է Ուկրաինայի նախագահ Վլադիմիր Զելենսկին, փոխանցում է BBC-ի ռուսական ծառայությունը։
«Ամենակարևոր պատժամիջոցը սահմանների փակումն է, քանի որ ռուսաստացիներն ուրիշի տարածքն են գրավում»,- ասել է Զելենսկին՝ նշելով, որ ՌԴ քաղաքացիները պետք է ապրեն իրենց հայրենիքում, քանի չեն փոխել իրենց մոտեցումը։
Քննադատները կարծում են, որ նման արգելքն անարդար կլինի այն ռուսաստանցիների նկատմամբ, որոնք լքել են երկիրը Վլադիմիր Պուտինի քաղաքականության հետ անհամաձայնության պատճառով։
«Որ ռուսաստանցիների մասին էլ լինի խոսքը, նրանց հետ ուղարկեք Ռուսաստան։ Այդ ժամանակ նրանք կհասկանան, այդ ժամանակ կասեն՝ մենք կապ չունենք այս պատերազմի հետ։ Ամբողջ ժողովուրդը չի կարող պատասխանատվություն կրել, այնպես չէ՞։ Կարող է։ Հենց այդ ժողովուրդն է ընտրել նման իշխանություն, և չի պայքարում նրա դեմ, չի վիճում նրա հետ, չի բղավում նրա վրա»,- ասել է Զելենսկին։
Էմմա Չոբանյան
