19.08.2026 | 15:10
Պապիկյանն անակնկալ զորամասեր է այցելում // 18-ամյա աղջկա առևանգման գործով ձերբակալված կա․ ԼՈՒՐԵՐ
Էրդողանը հայտարարել է, որ Թուրքիան առաջիկայում Սիրիան «կմաքրի ահաբեկիչներից»
Քաղաքականություն
08.08.2022 | 18:48
Թուրքիայի նախագահ Ռեջեփ Թայիփ Էրդողանը հաստատել է Սիրիայում նոր հարձակում սկսելու՝ Անկարայի պլանները, իբր, 30 կմ-անոց անվտանգություն գոտի ստեղծելու համար։ Նա նշել է, որ առաջիկայում Թուրքիան մտադիր է «ահաբեկիչներից» մաքրել այն, գրում է ՏԱՍՍ-ը։
«Մենք վճռականորեն շարունակում ենք մեր պայքարն ահաբեկչության դեմ։ Մեր որոշումը՝ ստեղծել հարավային սահմանի երկայնքով 30 կմ-անոց գոտի, մնում է անփոփոխ։ Հուսով եմ՝ առաջիկայում կմաքրենք Սիրիայի վերջին շրջանը, որտեղ թաքնվում է ահաբեկիչական կազմակերպությունը (նկատի ունի PKK-ն) և կմիավորենք անվտանգության գոտու օղակները»,-ասել է Էրդողանը Դեսպանների 13-րդ համաժողովում։
Հիշեցնենք, որ դեռ մայիսին էր Էրդողանը հայտարարել, որ Անկարան պատրաստվում է քրդերի դեմ նոր ռազմական հարձակման։ Հուլիսի 19-ին էլ Թեհրանում տեղի ունեցավ Սիրիայի հարցով Թուրքիայի, ՌԴ-ի և Իրանի նախագահների գագաթնաժողովը, որից հետո Էրդողանը հայտարարեց, որ նրանց աջակցությունն է ակնկալում նոր գործողության հարցում։
Էմմա Չոբանյան
