14.12.2024 | 19:57
Ինչ իրավիճակ է ճանապարհներին 19։35-ի դրությամբ
Չավուշօղլուն «զգուշացրել» է Հայաստանին՝ «զերծ մնալ նոր սադրանքներից»
Քաղաքականություն
08.08.2022 | 13:10
Թուրքիայի ԱԳ նախարար Մևլութ Չավուշօղլուն Անկարայում Դեսպանների 13-րդ համաժողովի բացման միջոցառման ժամանակ ունեցած ելույթում անդրադարձել է նաև Հայաստանին։ Թուրքական լրատվամիջոցների փոխանցմամբ՝ Չավուշօղլուն կրկին նշել է, որ Թուրքիան աջակցել է Ադրբեջանին Արցախյան երկրորդ պատերազմում՝ լինելով «արդարության ու ճշմարտության կողքին»։
Հիմա էլ՝ Արցախյան պատերազմից հետո, ըստ Չավուշօղլուի, Անկարան շարունակում է ջանքերը՝ Հարավային Կովկասում խաղաղության ապահովման, համագործակցության մթնոլորտի ստեղծման համար։ Միաժամանակ, Թուրքիայի ԱԳ նախարարը կրկին սպառնացել է Հայաստանին։
«Մենք կրկին զգուշացնում ենք Հայաստանին նոր սադրանքների անթույլատրելիության մասին։ Մեր երկիրը որևէ երկրի թշնամին չէ։ Բոլոր նրանք, որոնք հակառակն են պնդում, կողմնակալ են»,- ասել է Չավուշօղլուն։
Ի դեպ, Ադրբեջանի ԱԳ նախարար Ջեյհուն Բայրամովը ևս մասնակցում է Դեսպանների համաժողովին։
Էմմա Չոբանյան
