02.07.2026 | 12:25
Դուք շուտով կստանաք լրացուցիչ 18 մլն եվրո՝ օգնելու բազմազանեցնել առևտուրը․ Ուրսուլա ֆոն դեր Լայեն․ ՏԵՍԱՆՅՈՒԹ
Ուկրաինայի նավահանգիստներից պարենով բեռնված ևս երկու նավ է դուրս եկել
Քաղաքականություն
08.08.2022 | 11:36
Ուկրաինայի նավահանգիստներից հացահատիկով բեռնված ևս երկու նավ է դուրս եկել։ Այս մասին հայտնում է Թուրքիայի ՊՆ-ն գրում է «Անադոլու» գործակալությունը։
Նշվում է, որ Համակարգման համատեղ կենտրոնի աշխատանքի շրջանակում ուկրաինական նավահանգիստներից հացահատիկի արտահանումը շարունակվում է։
Այսօր առավոտյան Թուրքիայի ՊՆ տարածած հաղորդագրության համաձայն՝ Յուժնիից 11,000 տոննա սոյա տեղափոխող SACURA նավն ուղևորվել է Իտալիա, իսկ Չեռնոմորսկից 48,458 տոննա եգիպտացորենով ARIZONA նավը՝ Իսքենդերուն։
Միաժամանակ, չորս նավ էլ դեռ, որոնք նախօրեին էին դուրս եկել ուկրաինական նավահանգիստներից, շարունակում են նավարկել դեպի Ստամբուլ։ Սպասվում է, որ օգոստոսի 8-ի երեկոյան դրանք տեղ կհասնեն, իսկ հաջորդ օրը զննության կենթարկվեն։
Հիշեցնենք, որ հուլիսի 22-ին Ստամբուլում Թուրքիայի, ՌԴ-ի, Ուկրաինայի և ՄԱԿ-ի ներկայացուցիչների միջև ստորագրվել է հացահատիկային համաձայնագիրը։
Էմմա Չոբանյան
